2020-yilning 04-avgust kuni Buxoro davlat universitetida universitet rektori Obidjon Xamidov boshchiligidagi prorektorlar, bo'lim boshliqlari, TSNQB, dekanlar, dekan o'rinbosarlari, kafedra mudirlari ishtirokida navbatdagi videokonferensiya bo'lib o'tdi. Ushbu videokonferensiyada dolzarb masalalardan hisoblangan yangi 2020/2021 o'quv yiliga tayyorgarlik, masofaviy ta'lim tizimi orqali o'qitishdagi mavjud kamchiliklar va ularni bartaraf etish yo'llari, pandemiya sharoitida talaba yoshlar bilan ishlash mexanizmlari, ommaviy axborot vositalari bilan ishlash samaradorligi, universitetda tahsil olayotgan kam ta'minlangan talabalarga yordam ko'rsatish kabi masalalar ko'rib chiqildi. Online videokonferensiyani BuxDU rektori iqtisodiyot fanlari doktori, professor Obidjon Xamidov olib bordi. Yig'ilish ishtirokchilaridan shuningdek, ijtimoiy ahvoli og'ir, chin yetim, nogiron hamda ko'p farzandli oilalarda voyaga yetayotgan talabalarni aniqlab, ularning kontrakt to‘lovini to‘lashga amaliy yordam qilish masalasi keng muhokama qilindi. Yig‘ilish ishtirokchilari bu masala yuzasidan o‘z takliflarini bildirdilar. Jumladan, talabalarni o‘z o‘zini band qilish orqali moliyaviy qo‘llab-quvvatlash bo‘yicha amaldagi universitet loyihalariga jalb etish, homiylar mablag‘larini ularning kontrakt summalarini to‘lab berishga yo‘naltirish maqsadga muvofiq ekanligi taʼkidlandi. BuxDU Matbuot xizmati
