Barchangizga maʼlumki, bugungi kunda Muxtaram Prezidentimiz Shavkat Mirziyoyev boshchiligida butun mamlakatimiz bo‘ylab korrupsiya, nepitizm (urug‘ – aymog‘chilik), poraxo‘rlikga qarshi keskin va qatʼiy kurash olib borilmoqda. O‘zbekiston Respublikasining “Korrupsiyaga qarshi kurash to‘g‘risida”gi Qonuni va O‘zbekiston Respublikasi Prezidentining “O‘zbekiston Respublikasida korrupsiyaga qarshi kurashish tizimini yanada takomillashtirish chora – tadbirlari to‘g‘risida” 2019 – yil 27 – maydagi PF – 5729 – son Farmonida taʼlim sohasini korrupsiyasiz sohaga aylantirish borasida konseptual fikrlar o‘rtaga tashlangan.Prezidentimizning 2019 – yil 24 va 28 – maydagi oliy taʼlim muassasalari rahbarlari va soha vakillari bilan uchrashuvda o‘quv dargohlaridagi taʼmagirlik bilan bog‘liq holatlar chuqur tahlil qilinib, bu illat qattiq qoralandi.Prezidentimiz tomonlaridan korrupsiya taʼlim – tarbiya tizimi uchun eng katta xavf va birinchi raqamli dushman sifatida eʼtirof etildi.Oliy taʼlimni “korrupsiyasiz soha” nomli loyiha asosida bir yil davomida ikkita chora – tadbirlar dasturi ishlab chiqilib, amalga oshirilmoqda. Jinoyat kodeksida ham bir qator moddalarda korrupsiya, nepitizm, poraxo‘rlikga qarshi jazolar keltirib o‘tilganShu munosabat bilan joriy yilning 25-iyul kuni Buxoro davlat universiteti professor-o'qituvchilari ishtirokida Buxoro davlat universiteti hamda viloyatdagi tashkilotlar bilan hamkorlikda "Korrupsiya va poraxo'rlikka qarshi birgalikda kurashamiz" mavzusida online uchrashuv bo'lib o'tdi. Ushbu uchrashuvda Xo'ja Ismat jome' masjidi imom xatibi Xoji Salohiddin Gadoyev, Buxoro davlat universiteti rektori Obidjon Xamidov, Bosh prokuratura akademiyasi magistrlari, universitet prorektorlari, bo'lim boshliqlari hamda 50 dan ortiq professor-o'qituvchilar qatnashdilar. Uchrashuvni Buxoro davlat universiteti rektori kirish so'zi bilan ochib berdi.Shuningdek, Xo'ja Ismat jome' masjidi imom xatibi Xoji Salohiddin Gadoyevning Muqaddas dinimizda poraxo'rlik hamda korrupsiyaga qarshi munosabat, uning jamiyat hayoti va Islom olami vakillari hayotiga salbiy ta'siri bo'yicha ma'ruzalari tinglandi. Uchrashuv davomida BuxDU yoshlar bilan ishlash bo'yicha prorektor A.M. Kadirovning Universitet professor-o'qituvchilari va talabalari o'rtasida korrupsiya holatlari hamda poraxo'rlikni kamaytirish borasida amalga oshirilayotgan tadbirlar hisoboti tinglandi. Uchrashuv davomida universitet Kasaba uyushmalari qo'mitasi raisi S.Q.Qahhorov "Universitet kasaba uyushmasi qo'mitasining BuxDU korrupsiya hamda poraxo'rlikka qarshi kurashdagi o'rni" mavzusida ma'ruza qildilar.Uchrashuv so'ngida jamoatchilik vakillari hamda universitet jamoasining korrupsiya hamda poraxo'rlikni keskin kamaytirish bo'yicha taklif hamda munosabatlari ko'rib chiqildi. Uchrashuv ishtirokchilari o'zlari qiziqtirgan barcha savollarga tegishli javoblarni oldilar. BuxDU Matbuot xizmati
