Bugungi kunda bilimli va iqtidorli yoshlarni qo‘llab-quvvatlash, ularning ma’naviy kamolotini yanada yuksaltirish davlat siyosati darajasiga ko‘tarilgan. Davlatimiz rahbari tomonidan amalga oshirilayotgan keng kolamli islohotlar va ozgarishlar yosh avlodni kelajakda munosib voyaga yetishiga, har tomonlama bilimli va intellektual salohiyat egasi bo'lishiga xizmat qiladi. Mazkur islohotlar samarasi o'laroq Oliy talim sohasiga ham e'tibor va talab har qachongidanda yuqori o'rin egallamoqda.Bugungi kunda Oliy talim muassasalarida ham bu borada tizimli ishlar olib borilib iqtidorli va kelajakka ishonch bilan qaraydigan yoshlarni munosib ravishda qo'llab quvvatlantirilayotganligi tahsinga sazovordir. Xususan kuni kecha Buxoro viloyati Xalq deputati iqtisod fanlari doktori, professor O.X. Xamidov viloyatimizning chekka hududlaridan biri va ayni vaqtda yuzaga kelgan kuchli shamol oqibatida talofatga duch kelgan Olot tumaniga tashrif buyurdilar. Deputat tumandagi yosh avlod vakillari bilan shaxsan uchrashib, ularning kelajakdagi maqsadlari, qiziqish va orzulari haqida suhbat qurdilar. Shuningdek, yurtimizda e'lon qilingan karantin davrida ularning bo'sh vaqtini mazmunli va foydali tashkil etish maqsadida til, fan, adabiyot mavzularini mujassamlashtirgan kitoblar jamlanmasini ham taqdim etdilar. Rektor bilan suhbatda bo'lgan Olotlik maktab o'quvchisi Ferangiz shunday yoshlardan biri.Ferangizning bolalik kunlaridan beri kitobga va xorijiy tillarni o'rganishga bo'lgan qiziqishi juda yuqori bo'lib kelgan. Xorijiy tillardan ayniqsa ingliz tilida erkin muloqot qilishi u kabi tengdoshlarini ham havasini keltiradi. Ferangiz Toshkent shahridagi 22-maktabda tahsil olib kelgan, maktab o'quvchilariga boshlangan yozgi tatilni esa u uyida o'tkazmoqda. Obidjon Xamidovning Ferangiz bilan muloqotda uni qiziqishidan kelib chiqib, hamda o'z ustida ko'proq ishlashi uchun ingliz tilidagi kitoblar jamlanmasi va o'nlab ta'limiy ilova dasturlarni o'zida mujassamlashtirilgan planshetni ham sovg'a qildilar.O.X. Xamidov Ferangizga ko'proq o'z ustida ishlashi kerakligi, hech qachon bilim olishdan to'xtamasligi kerakligini maslahat berdilar. Obidjon Xamidovning yosh iste'dodli Ferangiz bilan bevosita ingliz tilida suhbatda bo'lganliklari Ferangizda o'zgacha taasurot uyg'otdi. Yosh avlod vakillarini qo'llab-quvvatlash, ularning intellektual salohiyatlarini namoyon etishda munosib sharoit yaratish davlatimiz oldida turgan ustuvor vazifalardan biri hisoblanadi. Mamlakatimiz aholisining 64 fozini yoshlar tashkil etayotganligini inobatga olsak, kelajak aynan yoshlar qo'lida ekanligini ilgash qiyin bo'lmaydi. Bu kabi savobli ishlar zamirida albatta yurt taqdiri, uning kelajagiga befarq qaray olmaslik fazilatlari namoyon bo'lishini ko`rishimiz mumkin.BuxDU Matbuot xizmati
