Men 2019-2020 o`quv yili mobaynida Lane Kirkland Scholarship Program dasturi asosida Polshaning eng nufuzli universitetlaridan biri hisoblangan Wroclaw Universitetida tahsil oldim. Dasturning boshlanishidan to yakuniga qadar universitetimiz va yurtimiz sha`nini himoya qildim, birorta ham xatti-harakatim bilan O`zbek degan nomga dog` tushurmadim, hamma tadbirlarda faol qatnashdim, bajarishim kerak bo`lgan zimmamdagi vazifalardan ko`proq ishni bajardim, qolaversa, ilmiy ishimni ham a`lo bahoda himoya qilib, yurtimizga va universitetimizga yorug` yuz bilan qaytdim. Polshadagi 10 oylik hayotim man uchun haqiqatda imkoniyatlar davri bo`ldi….mutaxassisligim bo`yicha yangi bilimlarni qo`lga kiritdim, soham bo`yicha bir qator konferensiya va vebinarlarda ishtirok etdim, qo`shimcha yana bitta xorijiy tilni – polyak tilini egalladim, yetakchi universitetlarning tajribali olimlari bilan tanishdim va dars berish tizimidagi xorijiy tajribani o`rgandim. Bundan imkoniyatlarni yaratib bergan Polsha hukumatiga ham cheksiz minnatdorchiligimni bildiraman.To`g`risini aytganda, dunyoda yuz berayotgan bunday og`ir sharoitda xorijda oqish oson kechgani yoq, o`ziga yarasha qiyinchiliklar bo`ldi albatta….uy sog`inchi, yurt sog`inchi, ruhiy tushkunlik. Ana shunday bir paytda universitetimiz rektori Xamidov Obidjon Xafizovich tomonidan yuborilgan 1,5 betlik xat meni yana qaytib ruhan tetiklantirdi….bu xatni qaytib-qaytib 3 marta o`qidim…xatdagi “Sizni Vatan, universitetingiz va oilangiz kutmoqda” degan jumlalarni ko`zimda yosh bilan o`qidim. Bu ma`naviy va ruhiy rag`batni hech qachon yodimdan chiqarmayman, buni unutib bo`lmaydi. Buning uchun universitetimiz rektori Obidjon Xafizovichga va Xalqaro aloqalar bo`yicha prorektor Abror Turobovichga cheksiz tashakkurlarimni bildiraman.Gulyamova Saodat Tolibovna
