Bugun Oliy va oʼrta maxsus taʼlim vazirligi, Innovatsion rivojlanish vazirligi, Fanlar akademiyasi, Buxoro davlat universiteti va Rossiya Federatsiyasi Oltoy davlat pedagogika universiteti hamkorligida “Ilm, maʼrifat va raqamli iqtisodiyotni rivojlantirish yili”ga bagʼishlangan “Hozirgi taraqqiyot bosqichida xotin-qizlar sporti: muammolar va istiqbollar” mavzusida Xalqaro ilmiy-amaliy onlayn anjuman oʼtkazildi. Anjumanni Buxoro davlat universiteti Obidjon Xamidov kirish so'zi bilan ochib berdi.Аnjumandan koʼzlangan maqsad - jahonda va xususan Oʼzbekistonda xotin-qizlar jismoniy madaniyat-sport harakati dolzarb yoʼnalishlarining rivojlanishi, xotin-qizlarni jismoniy madaniyat va sport mashgʼulotlariga jalb qilish va harakat faolliklarini optimallashtirish boʼyicha ilgʼor pedagogik tajribalarni umumlashtirish hamda sport sohasida kadrlarni maqsadli tayyorlash tizimini takomillashtirish masalalarini muhokama qilishdan iborat boʼldi.Onlayn anjumanda Oʼzbekiston, Rossiya, Ukraina kabi davlatlar olimlari; jismoniy madaniyat va sport sohasida faoliyat olib borayotgan mutaxassislar oliy taʼlim mauassasalari professor-oʼqituvchilari, doktorantlar, aspirantlar, magistrantlar va talabalar ishtirok etishmoqda. Koronavirus pademiyasi tufayli joriy etilgan karantin choralarini inobatga olgan holda mazkur anjuman onlayn-formatda oʼtkazildi. Bugungi anjumanda ishlab chiqilgan xulosalar va yetuk olimlar tavsiyasi xotin-kizlarni sportga jalb qilishning yanada maqbul shakllarini ishlab chiqish, davlatimizda anʼanaviy va noaʼanaviy sport turlarini rivojlantirishga xizmat qiladi. Аnjumanda ishtirok etganlar tanlangan mavzuning oʼta dolzarbligini taʼkidlab, mazkur yoʼnalishdagi hamkorlikni uzviy holda davom ettirish zarurligini bildirdilar. Koronavirus pandemiyasi tufayli joriy etilgan karantin cheklovlariga qaramay, jismoniy madaniyat fakulьteti professor-oʼqituvchilari tomonidan talabalar uchun masofaviy onlayn-mashgʼulotlar oʼtkazib kelinmoqda. Taʼlim platformalariga joylashtirilgan materiallar boʼyicha talabalarning oʼzlashtirishini ham nazorat qilish tizimi yoʼlga qoʼyilgan. BuxDU matbuot xizmati
