Buxoro davlat universiteti Oʼzbekiston Respublikasi Sogʼliqni saqlash vazirligining “SSV matbuot kotibi” nomli, https://t.me/ssvmatbuotkotibi havolasi orqali faoliyat koʼrsatuvchi telegram kanalida 27 iyunь kuni soat 18:54 da joylashtirilgan “Xonqada yashovchi fuqaro va uning 7 nafar oila aʼzosida koronavirus aniqlandi” mavzuli xabariga nisbatan quyidagilarni maʼlum qiladi.Mazkur xabarda respublikamizda 26 iyunь kuni aholi oʼrtasida aniqlangan koronavirusga chalinish holatlari haqida maʼlumot berish asnosida “Buxoro davlat universiteti magistri M.X.da (afgʼonistonlik)” koronavirus tasdiqlanganligi bildirib oʼtilgan.Buxoro davlat universiteti talabalari safida afgʼonistonliklar ham, M.X. taxallusli magistrant ham tahsil olmasligini maʼlum qilamiz. Telegram kanalida keltirilgan ushbu xabarni toʼgʼrilash maqsadida tezkorlik bilan Sogʼliqni saqlash vazirligi saytida koʼrsatilgan telefon raqamlariga murojaat qilindi. Аfsuski, vazirlikning asosiy raqami boʼlgan 71 2411468, 7/24 tartibida ishlashi lozimligiga qaramasdan faqatgina dushanba-juma kunlari maʼlum vaqt oraligʼida ishlashi koʼrsatib qoʼyilgan 71 2394795 hamda matbuot kotibining 71 2411640 raqamlariga hech kim javob bermadi. Matbuot kotibiga Feysbuk orqali murojaat yoʼllash imkoniyati koʼrilganida esa, sahifada oxirgi xabar 9 mart kuniga oid ekanligi, undan umuman foydalanilmasligi maʼlum boʼldi.Buxoro davlat universiteti Sogʼliqni saqlash vazirligi matbuot xizmatidan telegram kanalida keltirilgan maʼlumotni qaysi manbadan olganligi, notoʼgʼri maʼlumotni nega tarqatganligi borasida izoh kutib qoladi.Biz hozirgi pandemiya sharoitida har qanday inson oʼzi bilmagan holda virusni yuqtirib olmasligiga kafolat bera olmasligini yaxshi bilgan holda, beriladigan maʼlumotlarni tekshirib, manbaasini aniq bilib xalqqa toʼgʼri axborot berishi tarafdorimiz.Buxoro davlat universiteti Matbuot xizmati
