2020 yilning 22-iyun kuni Buxoro davlat universiteti rektori Obidjon Xamidov Navoiy viloyati Karmana tumani “Yuqoribug’” MFYda joylashgan Karmana sanoat va kasb-hunar kolleji (texnikumi)ga tashrif buyurdi. Ushbu ta`lim dargoxi O`zbekiston Respublikasi Prezidendi Sh. Mirziyoyevning “Professional ta`lim tizimini yanada takomillashtirishga doir qo`shimcha chora – tadbirlar to`g`risida”gi PF- 5812 Farmoni bo`yicha Buxoro davlat universitetiga biriktirilgan. Shu munosabat bilan Universitet hamda Karmana sanoat va kasb-hunar kolleji (texnikumi) o`zaro o’quv-ilmiy faoliyatini tubdan kuchaytirish, mavjud moddiy-texnik bazasini o’rgangan holda o’quv kurslarini tashkil etishda yordamlashishni rejalashtirmoqda. BuxDU rektori Obidjon Xamidov texnikum rahbari G’iyosiddin Ergashev bilan texnikum quvvati, binolar soni, metodik majmualar, fan dasturlari holati hamda axborot resurs bazasi, oshxonalar bilan yaqindan tanishdi.Texnikum faoliyatining yanada kuchaytirish hamda o’quv ishlarini sifatli amalga oshirish uchun BuxDU rektori va texnikum direktori hamkorlikda ishlashlarini aytib o’tdilar.Karmana sanoat va kasb-hunar kolleji (texnikumi) 2007 yilda tashkil etilgan bo’lib, 540 o’ringa mo’ljallangan. Texnikumda 12 ta umumta’lim, 6 ta umumkasbiy xonalar, faollar zali, sport zal, axborot kutubxonasi, 30 o’rinli oshxona mavjud. Texnikumda amaliy kasblardan amaliy informatika, gaz tarmoqlarini montaj qilish, buxgalteriya hisobi va audit, avtomobil transportiga texnik xizmat ko’rsatish va ta’mirlash, kimyo texnologiyalari bo’yicha o’quvchilarga ta’lim beriladi.
