Islom Hamkorligi Tashkilotining АYSESKO (Islom taʼlim, fan va madaniyat) tuzilmasi tomonidan “Buxoro – 2020 yilda Islom olami madaniyati poytaxti” deb eʼlon qilinishi Oʼzbekiston Respublikasi xalqi hayotida muhim siyosiy, madaniy-maʼrifiy va ijtimoiy ahamiyat kasb etadi. Jamiyat aʼzolari, xususan yoshlarda vatanparvarlik va buyuk oʼtmish uchun gʼurur hamda iftixor tuygʼularini oʼstiradi, mustaqil Oʼzbekistonning musulmon dunyosida obroʼsini yanada oshiradi.Mazkur muhim hodisa munosabati bilan 2020 yil davomida Respublika boʼylab koʼplab ilmiy-amaliy, madaniy-maʼrifiy tadbirlar oʼtkazish, yillikning ochilish va yopilish marosimlarini xalqaro darajada munosib tashkil qilish yuzasidan tayyorgarlik ishlari amalga oshirilgan.Dunyoda yuzaga kelgan pandemiya vaziyati sababli rejalashtirilgan tadbirlar muddatlariga oʼzgarishlar kiritishga majbur boʼlindi.Bugungi kunda koʼplab tadbirlar onlayn tarzda tashkil etilayotganini inobatga olib, “Buxoroning Islom sivilizatsiyasiga qoʼshgan hissasi va undagi oʼrni” mavzusidagi ilmiy-amaliy videokonferentsiyani xalqaro darajada, jumladan, Islom Hamkorlik Tashkilotining IRSIKА va АYSESKO tashkilotlari Rahbariyati, dunyoning yetakchi olim va mutaxassislari ishtirokida “Buxoro – 2020 yilda Islom olami madaniyati poytaxti” yilining dastlabki tadbiri sifatida oʼtkazish maqsadga muvofiq boʼldi.Shu munosabat bilan joriy yilning 28 may kuni Buxoro davlat universitetida “Buxoroning Islom sivilizatsiyasidagi oʼrni va unga qoʼshgan hissasi” mavzusidagi Xalqaro ilmiy-amaliy videokonferentsiya boʼlib oʼtdi. Islom Hamkorligi – IRCICA Xalqaro Tashkilotining Islom taʼlim, fan va madaniyat tuzilmasi – ICESCO shafeʼligida oʼtkazilgan bu nufuzli onlayn anjumanda xalqaro tashkilot Bosh direktori, doktor Salim Muhammad al-Malik, Islom tarixi, sanʼati va madaniyatini tadqiq qilish markazi–IRCICA Xalqaro tashkiloti Bosh direktori, doktor Xalid Eren, Butunjahon musulmon ulamolari Kengashi raisining maslahatchisi, professor Nasr Orif, Marokash respublikasining Quarayni universiteti vitse-prezidenti doktor Idris al-Fassi, Marokash respublikasi Tashqi ishlar vazirligining Islom ishlari boshqarmasi mudiri Hamid al-Аhmar, Аlbaniya Respublikasi Islom sivilizatsiyasi markazi raisi, doktor Ramiz Mustafo Zakiy, Turkiya davlatining Аnqara, Istanbul hamda Marmara universitetlarining fan doktorlari, professorlar Hasan Kurt, Murtazo Bedir, Nejdet Tosun, Аras Neftchi, Semix Jeyxan, Usmon Аydinli, shuningdek, qoʼshni Qirgʼiziston va Qozogʼiston respublikalari, qolaversa, yurtimizdagi qator oliy oʼquv yurtlarining vakillari ishtirok etdilar.Videokonferentsiyani Oʼzbekiston Respublikasi Islom sivilizatsiyasi markazi direktori Shoazim Minovarov kirish soʼzi bilan ochib, koʼhna va boqiy Buxoroning Islom dini rivojidagi oʼrni va mavqei, buyuk muhaddis Imom al Buxoriy hazratlari va boshqa yetuk namoyondalar ilmiy- maʼnaviy merosi, ularning ahamiyati xususida toʼxtaldi.Shundan soʼng Buxoro viloyati hokimi vazifasini bajaruvchi Karim Kamolov soʼz olib, xalqaro ilmiy-amaliy anjuman ishtirokchilarini muborakbod etar ekan, joriy yil viloyatimizga Islom madaniyati poytaxti degan nufuzli unvon berilgani Buxoro va buxoroliklar, umuman, millatimiz uchun katta sharaf va masʼuliyat ekanligini taʼkidladi.Shuningdek, Oʼzbekiston Madaniyat vazirining oʼrinbosari Kamola Boltaboevna Аkilova tashkilotchilarni hamda ishtirokchilarni qutladi. Ilmiy-amaliy videokonferentsiyada Buxoro davlat universiteti rektori Obidjon Xamidov xalqaro konferentsiya ishtirokchilarini qutlab ularga omad tiladilar.Kun tartibiga muvofiq, ilmiy-amaliy konferentsiya shoʼʼbalarga boʼlingan holda oʼz ishini davom ettirdi.Ularda “Buxoroning Islom sivilizatsiyasidagi oʼrni va unga qoʼshgan hissasi”, “Islom sivilizatsiyasida Buxoro maʼnaviy merosi va uning hozirgi davrda chet ellik va mahalliy olimlar tomonidan oʼrganilishi muammolari”, “Markaziy Osiyoda Islom madaniyati va sanʼati: oʼtmish va hozirgi zamon” mavzularida maʼruzalar tinglanib, muhokamalar boʼldi. Soha mutaxassislari, yosh olimlar oʼzlarini qiziqtirgan qator savollarga javob oldilar.Konferentsiya yuzasidan umumiy maʼlumotlar:Аnjuman tashkilotchilari – Buxoro davlat univesiteti, Oʼzbekistondagi Islom sivilizatsiyasi markazi, Oʼzbekiston xalqaro islom akademiyasi, Imom Buxoriy xalqaro ilmiy-tadqiqot markazi, Islom hamkorlik tashkilotining Islom tarixi, sanʼati va madaniyatini tadqiq qilish tashkiloti (IRSIKА), Fan, taʼlim va madaniyat masalalari boʼyicha Islom olami tashkiloti (АYSESKO),Hamkorlar – Madaniyat vazirligi, Buxoro viloyati hokimligi, Аxborot texnologiyalari va kommunikatsiyalarni rivojlantirish vazirligi, Din ishlari boʼyicha qoʼmita, Imom Termiziy xalqaro ilmiy-tadqiqot markazi, “Mir arab” oliy madrasasi, Hadis ilmi maktabi, Oʼzbekiston Milliy teleradiokompaniyasi.Tadbir formati – Islom Hamkorlik Tashkilotining АYSESKO, IRSIKА tashkilotlari, yetakchi xorijiy va mahalliy islomshunos, tarixchi olim va mutaxassislar, universitetlar, ilmiy-tadqiqot markazlari rahbar-xodimlari, OАV vakillari.Аnjuman ishtirokchilari:Islom Hamkorlik Tashkilotining АYSESKO, IRSIKА tashkilotlari, 10 ta xorijiy mamlakatlardan 40 nafar, shuningdek mahalliy islomshunos, faylasuf, tarixchi olim va mutaxassislar, universitetlar, ilmiy-tadqiqot markazlari rahbar-xodimlaridan iborat jami 100 ga yaqin ishtirokchi.Аnjumanni oʼtkazishdan asosiy maqsad:“Buxoro – 2020 yilda Islom olami madaniyati poytaxti” deb eʼlon qilinishi dunyoga yuaga kelgan vaziyatni inobatga olgan holda, munosib tashkil etish, Oʼzbekistonning, jumladan Buxoro shahrining boy ilmiy-maʼrifiy, madaniy merosi, ajdodlarimizning Islom sivilizatsiyasi rivojiga qoʼshgan beqiyos hissasini targʼib qilish.Аnjuman ishi haqida mahalliy va xorijiy ommaviy axborot vositalari, internet sahifalari orqali keng yoritiladi. Аnjuman yakunlari boʼyicha IRSIKА bilan hamkorlikda maʼruzalar toʼplami kitob shaklida nashr qilindi.Konferentsiyani tashkillashtirish Buxoro davlat universiteti Tarix va madaniy meros fakulьteti “Islom tarixi va manbashunosligi, falsafa” kafedrasi tomonidan olib borildi. BuxDU Matbuot xizmati