2020yil 29 iyun kuni Buxoro Davlat universiteti katta majlislar zalida Oʼzbekiston taʼlim, fan va madaniyat xodimlari kasaba uyushmasi Buxoro davlat universiteti xodimlar va talabalar boshlangʼich kasaba uyushma qoʼmitasining VII hisobot-saylov konferentsiyasi boʼlib oʼtdi.Konferentsiyada Buxoro viloyat kasaba uyushmalari tashkilotlari birlashmasi kengashi raisi Olimov Muhammadqosim Hoshimovich, Oʼzbekiston taʼlim, fan va madaniyat xodimlari kasaba uyushmasi respublika kengashinig Buxoro viloyati boʼyicha masʼul tashkilotchisi Nosirova Rayhon Kenjaevna, universitet prorektorlari, fakulьtet dekanlari, professor-oʼqituvchilar, ishchi xodimlar va talabalar ishtirok etdi.Konferentsiya ishini Oʼzbekiston taʼlim, fan va madaniyat xodimlari kasaba uyushmasi respublika kengashinig Buxoro viloyati boʼyicha masʼul tashkilotchisi R.K.Nosirova olib bordi.Konferentsiyada Buxoro Davlat universiteti xodimlar va talabalar boshlangʼich kasaba uyushma qoʼmitasining 2015 yil aprelь oyidan 2020 yil iyunь oyigacha boʼlgan davrdagi faoliyati, kasaba uyushmasi tashkiloti taftish komissiyasining hisoboti, universitet xodimlar va talabalar boshlangʼich kasaba uyushma qoʼmitasi tarkibini saylash, universitet xodimlar va talabalar boshlangʼich kasaba uyushma qoʼmitasi raisini saylash, universitet xodimlar va talabalar boshlangʼich kasaba uyushma qoʼmitasi taftish komissiyasi aʼzolari va raisini saylash hamda Oʼzbekiston taʼlim, fan va madaniyat xodimlari kasaba uyushmasi Buxoro viloyat tashkilotlari konferentsiyasiga delegatlarni saylash masalalari koʼrib chiqildi.Konferentsiya kun tartibida belgilangan birinchi masala yuzasidan universitet kasaba uyushma qoʼmitasi raisi S.Q.Qahhorovning Buxoro Davlat universiteti xodimlar va talabalar kasaba uyushma qoʼmitasining 2015 yil aprelь oyidan 2020 yil iyunь oyigacha boʼlgan davrdagi faoliyati toʼgʼrisida hisoboti tinglandi.S.Q.Qahhorov oʼtgan besh yil davomida Buxoro Davlat universiteti xodimlar va talabalar boshlangʼich kasaba uyushma qoʼmitasi tomonidan amalga oshirilgan ishlar va erishilgan yutuqlar toʼgʼrisida nutq soʼzladi.Ikkinchi masala yuzasidan Buxoro Davlat universiteti xodimlar va talabalar kasaba uyushma qoʼmitasi taftish komissiyasi raisi O.H.Raximov soʼzga chiqib universitet xodimlar va talabalar kasaba uyushma qoʼmitasining hisobot davridagi faoliyati, kasaba uyushma mablagʼlaridan oqilona foydalanish, daromad va xarajatlar smetalarining bajarilishi, belgilangan rejalarning amalga oshirilishi, qabul qilingan qarorlar ijrosining taʼminlanishi, fuqarolarning ariza va shikoyatlarini koʼrib chiqilishi toʼgʼrisida nutq soʼzladi.Buxoro Davlat universiteti xodimlar va talabalar kasaba uyushma qoʼmitasi aʼzosi, psixologiya fanlari doktori, professor Sh.R.Barotov soʼzga chiqdi va oʼtgan davr mobaynida universitet xodimlar va talabalar kasaba uyushma qoʼmitasi faoliyatini yuqori baholadi, S.Q.Qahhorov toʼgʼrisida iliq fikrlar bildirdi. Sh.R.Barotov Buxoro Davlat universiteti xodimlar va talabalar kasaba uyushma qoʼmitasi aʼzosi sifatida qoʼmita raisi lavozimiga S.Q.Qahhorov nomzodini tavsiya qildi.Xorijiy filologiya fakulьteti dekani filologiya fanlari doktori, professor M.M.Joʼraeva hamda Tabiiy fanlar fakulьteti dekani biologiya fanlari doktori, dotsent X.T.Аrtiqova soʼzga chiqib, xodimlar va talabalar kasaba uyushma qoʼmitasining professor-oʼqituvchilar, ishchi xodimlar, talabalar mehnat faoliyatini muhofaza qilish, hamda ularning qarindoshlari va farzandlari uchun sihatgohlar va dam olish oromgohlariga yoʼllanmalar berish, bayram kunlarida qimmatbaho sovgʼalar berish, boquvchisini yoʼqotgan, imkoniyati cheklangan xodimlar holidan xabar olish borasidagi namunali faoliyati eʼtirof etildi.BuxDU matbuot xizmati