2020 yilning 8 iyun kuni Universitet rektorining pandemiya davrida ZOOM platformasi orqali "2019 – 2020 oʼquv yili yakuni boʼyicha Buxoro davlat universiteti rahbariyatining talabalar bilan onlayn muloqoti" uchrashuvi boʼlib oʼtdi. Universitetning Pedagogika fakulteti 3-bosqich talabasi Vohidov Olim tomonidan “Rektor kubogi” Zakovat jamoaviy bahslarini onlayn tarzida oʼtkazish taklifi berildi. Bu taklif rahbariyat tomonidani qoʼllab-quvvatlanib,Pedagogika fakulteti pedagogika-psixologiya yoʼnalishi 3-bosqich talabasi Vohidov Olim Yoshlar bilan ishlash, maʼnaviyat va maʼrifat boʼlimi bilan hamkorlikda “Zakovat” intellektual oʼyini “Rektor kubogi” jamoaviy bahslarini tashkillashtirish uchun masʼul etib tayinlandi. “Zakovat” intellektual oʼyini “Rektor kubogi” jamoaviy bahslarida barcha fakultetlar oʼz jamoalari bilan ishtirok etdi, jami 12ta jamoa.2020 yil 29 iyun kuni Fizika-matematika fakulteti, Tarix va madaniy meros fakulteti, Iqtisodiyot va turizm fakulteti, Tabiiy fanlar fakulteti jamoalari “Rektor kubogi” uchun bellashdilar. Bellashuv natijasiga koʼra: 1oʼrin - Iqtisodiyot va turizm fakultetining “Economist Travellers” jamoasiga , 1000 000 soʼm miqdorida kitoblar jamlanmasi 2-oʼrin – Tabiiy fanlar fakultetining “QАQNUS” jamoasi, 500 000 soʼm miqdorida kitoblar jamlanmasi; 3-oʼrin – Fizika-matematika fakultetining “Online” jamoasi egalladilar, 300 000 soʼm miqdorda kitoblar jamlanmasi bilan taqdirlandilar. BuxDU Matbuot xizmati