2014 yilning 27-31 may kuni Buxoro viloyatidagi Akademik litsey va kasb-hunar kollejlarida, jumladan Buxoro Pedagogika kolleji va Buxoro tuman maishiy xizmat va servis kasb-hunar kollejlarida “O`zbekiston Respublikasi Prezidentining 2014 yil 30 apreldagi “Respublika oliy ta’lim muassasalariga qabul tartibini yanada takomillashtirish to`g`risida”gi PQ-2170-son qarori va O`zbekiston Respublikasi ta’lim muassasalariga qabul qilishbo`yicha davlat komissiyasining 1-son bayoni” hamda O`zbekiston Respublikasi Oliy va o`rta maxsus ta’lim vazirligining 2014 yil 1 maydagi 167-sonli buyrug`i ijrosini ta’minlash maqsadida Buxoro davlat universiteti Akademik litsey va kasb-hunar kollejlari bilan ishlash bo`limi tashabbusi bilan “Kimyo-biologiya” fakulteti va “Filologiya” fakulteti professor-o`qituvchilari bilan hamkorlikda shahar va tumanlarda “Test sinovlaridagi yangiliklar” mavzusida davra suhbati tashkil etildi.Tadbirda Buxoro davlat universiteti rahbariyati, universitet akademik litsey va kasb-hunar kollejlari bilan ishlash bo`limi xodimlari, universitetning mas’ul professor-o`qituvchilar, kollej direktorlari, o`quv ishlari bo`yicha direktor o`rinbosarlari va kollejning bitiruvchi kurs talabalari ishtirok etdi.Buxoro davlat universiteti akademik litsey va kasb-hunar kollejlari bilan ishlash bo`yicha prorektor G`.I.Botirov so`zga chiqib, hozirgi davrda mamlakatimiz ta’lim tizimida juda katta islohotlar amalga oshirilayotganligini, yoshlarga berilayotgan e’tibor, davlat siyosati darajasiga ko`tarilganligini ta’kidlab o`tdi. O`zbekiston Respublikasi Prezidentining 2014 yil 30 apreldagi “Respublika oliy ta’lmi muassasalariga qabul tartibini yanada takomillashtirish to`g`risida”gi PQ-2170-son qarori va bundan kelib chiqadigan vazifalar haqida akademik litsey va kasb-hunar kollejlari raxbariyati va talabalarga ma’lumot berdi. 2014-2015 o`quv yilida Oliy o`quv yurtlariga kirish imtihonlarini topshiradigan o`quvchilarga, kirish imtihonlariga o`zgartirish kiritilgan yo`nalishlar tanishtirildi. “Ma’rifat” gazetasining 2014 yil 10 maydagi 38-sonining 1-3 betlarida “Test sinovlaridagi yangiliklar” nomli maqola e’lon qilinganligini aytib, ishtirokchilarni tanishtirdi. Seminar davomida o`quvchilar o`zlarini qiziqtirgan barcha sovallarga javob olishdi.
