Bugun Buxoro davlat universitetida qoʼshni davlatlardagi oliy taʼlim muassasalaridan Buxoro davlat universitetiga oʼqishi koʼchirilishi tavsiya etilgan fuqarolar bilan universitet faollar yig’ingohida uchrashuv bo’lib o’tdi. Uchrashuvda Buxoro davlat universiteti O’quv ishlari bo’yicha prorektori M.I. Daminov, Xalqaro hamkorlik bo’yicha prorektor A.T. Jo’rayev, O’quv-uslubiy boshqarma boshlig’i R.Jumayev, fakultet dekanlari, dekan o’rinbosarlari hamda o’qishi ko’chirilishi tavsiya etilgan fuqarolar qatnashdilar.Qoʼshni davlatlardagi oliy taʼlim muassasalaridan 483 nafar fuqaroga Buxoro davlat universitetiga oʼqishi koʼchirilishi tavsiya etilgan. Shundan, Qirgʼiziston Respublikasidagi 5 ta OTMdan 18 nafar, Qozogʼiston Respublikasidagi 23 ta OTMdan 369 nafar, Tojikiston Respublikasidagi 16 ta OTMdan 96 nafar, jami 44 ta OTMdan 483 nafar fuqaroning oʼqishini koʼchirilishiga tavsiya etilgan.Buxoro davlat universitetiga 9 ta taʼlim yoʼnalishi boʼyicha 65 nafar talaba 1-kurs kunduzgi boʼlimga, 11 ta taʼlim yoʼnalishi boʼyicha 36 nafar talaba 2-kurs kunduzgi boʼlimga, Аmaliy matematika va informatika taʼlim yoʼnalishi kunduzgi boʼlim 3-kursga 1 nafar talaba, Filologiya va tillarni oʼqitish: ingliz tili (34 nafar) hamda Iqtisodiyot (tarmoqlar va sohalar boʼyicha) (38 nafar) talaba oʼqitishning kechki taʼlim shakliga oʼqishi tavsiya etilgan.11 ta taʼlim yoʼnalishi boʼyicha 192 nafar talaba sirtqi taʼlim shakli 1-kursga, 7 ta taʼlim yoʼnalishi boʼyicha 112 nafar talaba sirtqi taʼlim shakli 2-kursga oʼqishi, jami 304 nafar talaba tavsiya etilgan.Buxoro davlat universiteti Matbuot xizmati
