Bugun O`zbekiston Respublikasi Prezidenti Administratsiyasining 2020 yil 8 fevraldagi 08-424-son topshirig`iga muvofiq shakllantirilgan ishchi guruh Buxoro davlat universitetida bo`ldi. Mazkur ishchi guruh tomonidan joylardagi topshiriqlar ijrosini o`rganish, amaliy yordam ko`rsatish hamda o`rganish bo`yicha 2020 yilda "Yo`l xaritasi" tuzish rejalashtirilgan edi. Ushbu masalalar yuzasidan ishchi guruh a`zolari va universitet ma`muriyati tomonidan sohadagi o`zgarishlar tahlil qilinib, kelgusidagi ishlar bo`yicha rejalar belgilab olindi. Ta`kidlab o`tish lozimki, ishchi guruh a`zolari joriy yilning 10-15-fevral kunlari davomida Respublikamizdagi barcha Oliy ta`lim muassasalari va ularning filiallarida bo`lib, yuzaga kelgan vaziyatni o`rganish ishlarini olib borishi rejalashtirilgan. Bevosita yurtboshimiz tomonlaridan olib borilayotgan bu kabi ishlar mamlakatimizda oliy ta`lim sohasining rivojlanishiga katta zamin yaratadi. Zero, ta`limning yuqori sifatda va hammabop bo`lishi soha oldida turgan asosiy vazifalardan biri hisoblanadi.
