Kuni kecha Buxoro davlat universitetida ”Giyohvandlikni oldini olish hamda OIV infeksiyasi va uning yuqish yoʼllari “ mavzusida targʼibot uchrashuvi boʼlib oʼtdi. Ushbu tadbirda S.S. Jumanova – Vazirlar Mahkamasi qoshidagi narkokomissiya yetakchi mutaxassisi, Sh. Ostonov – Viloyat IIB jinoyat qidiruv boʼlimi xodimi, А. Fayziev - Viloyat narkologiya dispanseri mutaxassisi, А. Samadov – universitet yuristkonsulti, Davlat xavfsizlik xizmati xodimlari, viloyat hokimligining mutasaddi xodimlari, dekan oʼrinbosarlari, professor-oʼqituvchilar, talabalar qatnashdilar. Tadbirning kirish soʼzini yoshlar bilan ishlash boʼyicha prorektor А.M. Kadirov ochib berdi. Vazirlar Mahkamasi qoshidagi narkokomissiya yetakchi mutaxassisi S.S. Jumanova soʼzga chiqib qatnashuvchilarga giyohvandlik va uning oqibatlari toʼgʼrisida gapirib oʼtdi. Soʼng Viloyat IIB jinoyat qidiruv boʼlimi xodimi Sh. Ostonov tadbir ishtirokchilariga giyohvandlikka qarshi kurash va uni oldini olish toʼgʼrisida gapirib oʼtdi. Tadbir soʼngida ishtirokchilarga mavzuga qoʼshimcha qilgan holda “Аjal girdobi” nomli videorolik namoyish etildi. Talabalar oʼzlarini qiziqtirgan bir qancha savollar bilan mutaxassislarga murojaat qilib, atroflicha javob oldilar.
