Bugun Buxoro davlat universiteti kichik majlislar zalida 1979-1989 yillarda bo`lib o`tgan Afg`on urushida ishtirok etgan bir guruh baynalminalchi jangchilar universitet rektori O.X. Xamidov tomonidan qimmatbaho sovg`alar bilan taqdirlandilar. Taqdirlash jarayonida universitet rektori O.X. Xamidov so`zga chiqib, yurt tinchligi va mamlakat farovonligi yo`lida kurashgan faxriylarga hozirgi dorul-omon kunlar uchun minnatdorchilik bildirdilar. Darhaqiqat, sarhadlar daxlsizligi, yurt tinchligi uchun kurashgan har bir insonni yurt qahramoni deyish mumkin. Xalqimiz bunday insonlarni qadrlaydi va mudom e`zozda saqlaydi.
