Bugun BuxDUda “Buxoroda islom madaniyatini modernizatsiyalash va turizmni barqaror rivojlantirish istiqbollari” mavzusidagi ilmiy-amaliy seminar bo`lib o`tdi. Seminar Buxoro davlat universiteti Iqtisodiyot va turizm fakulteti Turizm va mehmonxonaxo`jaligi kafedrasi tomonidan tashkil etildi. Ilmiy-amaliy seminarni kirish so`zi bilan Buxoro davlat universiteti Xalqaro hamkorlik bo`yicha prorektori Jo`rayev Abror Turobovich ochib berdi. Seminar ishtirokchilari tomonidan ziyorat turizmini rivojlantirish masalalarida qator taklif va mulohazalar berib o`tildi. Xususan, "Kichik haj", "Audio git", "Turizm klasteri", "Ziyorat maskanlarida QR kodlar" kabi konsepsional loyihalar seminar ishtirokchilarining e`tiborini tortdi. Shuningdek, soha vakillari tomonidan Buxoroning turizm salohiyati va geografik makoni yuqori baholandi. BuxDU Matbuot xizmati xodimi Javohir Saidov
