2020-yilning 26-fevral kuni Tarix va madaniy meros fakulteti Islom tarixi va manbashunosligi, falsafa kafedrasi tomonidan talabalar turar joyida “Kafedra kuni” munosabati bilan 5 ta tashabbus asosida turli mavzularda tadbirlar universitetning turli fakultet talabalari bilan oʼtkazildi.Jumladan, 6-binoda yashovchi talaba-qizlar bilan kafedra professor-oʼqituvchilaridan Sh.Joʼraev, B.Dehqonov, M.Аshurovalar “Teatr – millat koʼzgusi” mavzusida davra suhbati, 2-binoda yashovchi talaba-qizlar bilan kafedra dotsenti O.Sharipova, А.Qayumova, Oʼzbek tilshunosligi kafedrasi oʼqituvchisi Sh.Yoqubova, 2-bino tarbiyachi-murabbiyi D.Nazarovalar tomonidan Zulfiyaxonim Isroilova tavallud kuniga bagʼishlab “Yuragimga yaqin kishilar” mavzusida badiiy kecha uyushtirildi.Shuningdek, kafedra dotsenti А.Sharipov va M.Shokirovlar tomonidan ham “Sogʼlom oila – sogʼlom genofond poydevori” mavzusida davra suhbati oʼtkazildi. Tadbirlarda kafedra oʼqituvchilari har bir mavzu boʼyicha oʼz fikr-qarashlarini bildirishdi va talaba-yoshlarning bergan savollariga atroflicha javob berib, oʼzlarining koʼrsatma va takliflarini berishdi. Tadbirlar talaba qizlar faol qatnashib oʼz bilim va isteʼdodlarini namoyon etishdi.
