Buxoro shahriga 2020 yilning 8-fevral kuni O‘zbekiston Respublikasi Vazirlar Mahkamasi huzuridagi Oliy attestatsiya komissiyasi raisi Yusupov Аxmadbek Tadjiyevich tashrif buyurdi va viloyatda faoliyat ko`rsatayotgan OTMlarining prorektorlari, dekanlari, kafedra mudirlari, professor-o‘qituvchilari, doktorantlari, tayanch doktorantlari, mustaqil izlanuvchilari, pedagog xodimlari bilan uchrashuv o‘tkazdi. Uchrashuvga Buxoro davlat universiteti ilmiy jamoasi mezbonlik qildi. BuxDU rektori O.X.Xamidov yig‘ilishni ochib berar ekan, nufuzli mehmonni Buxoroga tashrifi bilan qutladi va so`z navbatini respublika OAK raisi A.T.Yusupovga berdi.Notiq o`z nutqida OAK rayosatidagi o`zgarishlar, respublikamizda ilm-fan sohasiga berilayotgan alohida e’tibor, ilmiy-tadqiqot faoliyatiga axborot-kommunikatsiya texnologiyalarni keng joriy qilish, jumladan, OAK ilmiy-tadqiqot muassasalari kengashlari, ilmiy darajalar beruvchi ilmiy kengashlar o‘rtasidagi barcha yozishmalar hamda ilmiy unvonlar va ilmiy darajalarni tasdiqlash bo‘yicha attestatsiya ishlari elektron hujjat aylanish tizimi orqali qabul qilinishi joriy etilayotganligi, bu borada mutasaddilar tomonidan tegishli dasturiy va ilmiy-tashkiliy ishlarni amalga oshirish chora-tadbirlari ko`rilayotganligi xususida batafsil to`xtaldi.Shundan keyin BuxDU ilmiy ishlar va innovatsiyalar bo‘yicha prorektori O.S.Qahhorov so`zga chiqdi va o‘z nutqida shu kecha-kunduzda OTMda ilmiy faoliyat bilan shug‘ullanuvchilar uchun zaruriy sharoitlar yaratib berilganligi, ilmiy potensial yetarli bo`lgan tegishli fan sohalari bo`yicha bir necha ilmiy kengashlarning aynan viloyat OTMlarida, jumladan, Buxoro davlat universitetida ochilganligi va bu sa’y-harakatlar natijasi respublika miqyosidagi OTMlarida ilmiy salohiyatning o‘sishiga ijobiy ta’sir ko‘rsatayotganligini mamnuniyat bilan qayd etdi. BuxDU, qolaversa, viloyatda faoliyat yuritayotgan barcha OTMlari ilmiy jamoasi nomidan hukumatimiz, vazirligimiz, OAK mutasaddilariga minnatdorchilik bildirdi.Qizg‘in tus olgan uchrashuvda “Ilm ma’rifat va raqamli iqtisodiyotni rivojlantirish yili” sifatida e’tirof etigan joriy yilda Buxoro davlat universiteti ilmiy jamoasi faoliyatida sifat hamda samaradorlikni oshirish, shuningdek, uni raqamli axborot va iqtisodiyotga yo‘naltirish, universitetda mavjud ilmiy darajalar beruvchi ilmiy kengashlar faoliyatini takomillashtirish masalalariga ham alohida e’tibor qaratildi.BuxDU ilmiy ishlar va innovatsiyalar bo‘yicha prorektori O.S. Qahhorov nutqida oliygohda 12ta ilmiy kengash faoliyat ko‘rsatayotganligi, ulardan 10tasining faoliyati 2019-(kalendar) yilda OAK ruxsati bilan yo‘lga qo‘yilganligi, shuningdek, mazkur kengashlarda o`tkazilgan (PhD) himoya natijalari bo`yicha falsafa doktori ilmiy darajalarini tasdiqlovchi diplomlar qo`lga kiritilayotganligi nafaqat BuxDUning, qolaversa, butun respublika OTMlari salohiyatini oshirishga ijobiy ta’sir ko`rsatishini alohida e’tirof etdi.Notiq o`z nutqi yakunida BuxDU ilmiy jamoasida OAK raisiga 07.00.01–O‘zbekiston tarixi, 09.00.03–Falsafa tarixi, 09.00.04–Ijtimoiy falsafa, 10.00.02–O‘zbek adabiyoti, 07.00.08–Tarixshunoslik, manbashunoslik va tarixiy tadqiqot usullari ixtisosliklar bo‘yicha yangi 5ta ilmiy kengash faoliyatini yo‘lga qo‘yish imkoniyati borligini bildirdi. OAK raisi notiqning mulohazasini qo`llab quvvatladi va bu taklifni o‘rnatilgan tartibda amalga oshirilishi uchun OAK mutasaddilari hamisha amaliy ko`makka tayyor ekanligini bildirdi. Shuningdek, mazkur uchrashuvda ilmiy daraja va unvonlar berish tartibida kutilayotgan yangiliklar, doktorant, tayanch doktorant va mustaqil izlanuvchilarning ilmiy faoliyatini takomillashtirish, ilmiy ish natijalarini amaliyotga tatbiq etish masalalari yuzasidan ham o‘rtoqlashildi.Ochiq muloqot tusini olgan uchrashuvda yig‘ilish ishtirokchilarining savollariga mutasaddilar tomonidan javoblar berildi, ko‘tarilgan masalalar bo‘yicha ba’zi muammolar shu uchrashuvning o`zidayoq hal etilishiga erishildi.
