Kuni kecha Oʼzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish Departamentining Buxoro viloyati boshqarmasi tomonidan Buxoro davlat universitetining fizika-matematika fakulteti 1-4 kurs talabalari orasida “Yoshlar odam savdosiga qarshi” yoki “Odam savdosi asr muammosi” mavzusida targʼibot tadbiri oʼtkazildi. Tadbirda fakultetning dekani, universitet oʼqituvchilari, talabalar hamda Departamentining Buxoro viloyati boshqarmasi xodimlari А. Husenov, N. Аxmedovalar ishtirok etishdi. Targʼibot tadbirida odam savdosining oldini olish, bu borada qabul qilingan qonunning mazmun va mohiyati, bunday jinoyat uchun javobgarlikning muqarrarligi, odam savdosi qurbonlariga koʼrsatiladigan huquqiy psixologik yordam, reablitatsiya markazlari faoliyati, yoshlarni bunday jinoyatlardan ogox etish kabi tushunchalar yuzasidan batafsil maʼruza slaydlar yordamida oʼqib eshittirildi. Bundan tashqari, tadbir jarayonida odam savdosiga bagʼishlangan rolik qoʼyildi. Shuningdek, tadbir yakunida yoshlar odam savdosiga oʼz munosabatlarini bildirib, bunday jinoyatlarga qarshi kurashishni daʼvat etuvchi, vatan toʼygusini ifodaluvchi sheʼrlar aytishdi hamda oʼzlari tomonidan sahnalashtirilgan chiqishlarini ijro etishdi. Targʼibot tadbiri qiziqarli va mazmunli oʼtdi. Bunday targʼibot tadbirlari yoshlarni toʼgʼri yoʼlga boshlashga muhim omil boʼlib xizmat qiladi.
