Joriy yilning 17-19 dekabr kunlari Buxoro davlat universiteti Tarix va madaniy meros fakultetining "Buxoro islom madaniyati poytaxti" telegram kanalida "WELCOME TO BUKHARA" nomi ostidagi internet tanlovi bo`lib o`tdi. Bu tanlovda 50 ga yaqin yoshlar o`zlarining Buxoroning jozibasini aks ettirgan foto-suratlari bilan ishtirok etdilar.Yakunda esa, uch nafar ishtirokchi g`olib deb topildi. 1-o`rinni Toshkent irrigatsiya va qishloq xo‘jaligini mexanizatsiyalash muhandislari instituti Buxoro filiali Gidromelioratsiya fakulteti 3-bosqich talabasi Sa`dullayev Azamat, 2-o`rinni Buxoro davlat universiteti Tabiiy fanlar fakulteti Geografiya yo`nalishi 3-bosqich talabasi Erkinov Ramziddin, 3-o`rinni esa Buxoro davlat universiteti Filologiya fakulteti O`zbek tili yo`nalishi 1-bosqich talabasi Teshayeva Marjona egalladilar. Bugun 23 dekabr sanasida Buxoro davlat universiteti Tarix va madaniy meros fakulteti binosida g`olib yoshlarni taqdirlash marosimi bo`lib o`tdi. Fakultet dekani J.R. Jo`rayev g`oliblikni qo`lga kiritgan yoshlarni tabriklab, keyingi tanlovlarda zafar tiladi. G`oliblar kanal ma`muriyati va Tarix va madaniy meros fakulteti tomonidan tayyorlangan diplom va esdalik sovg`alari bilan taqdirlandilar. Ta`kidlash joizki, bu kabi ko`rik-tanlovlar o`zining ko`p vaqtini ijtimoiy tarmoqda o`tkazadigan, ijtimoiy jihatdan faol va estetik didga hamda kuchli intilishga ega talaba-yoshlar uchun sotsial lift vazifasini o`tashiga ishonamiz. Tarix va madaniy meros fakulteti rahbariyatiga tanlov tashabbusini ilgari surganliklari va uni qo`llab-quvvatlaganliklari uchun samimiy minnatdorchilik bildiramiz. Shuningdek, 2020 yilda ISESCO tomonidan Osiyo mintaqasidan Islom madaniyati poytaxti maqomiga sazovor bo`lgan shahar - Buxoroning targ`ibot kanaliga barchani chorlab qolamiz. Kanalga quyidagi havola orqali kirishingiz mumkin: https://t.me/Islamic_capitalTaqdirlash marosimidan fotolavhalar: Buxoro davlat universiteti matbuot xizmati xodimi: Javohir Saidov
