2020-yilning 9-yanvar kuni Buxoro davlat universitetiga O’zbekiston Respublikasi Vazirlar Mahkamasi huzuridagi ta’lim sifatini nazorat qilish davlat inspeksiyasi oliy ta’lim va oliy o’quv yurtidan keyingi ta’lim muassasalarini attestatsiyadan o‘tkazish bo‘limi boshlig‘i Ruzmetov Raxmatjon Ibodullayevich tashrif buyurib universitet talabalari bilan uchrashuv o’tkazdi.Uchrashuvni Buxoro davlat universiteti Ta’lim sifatini nazorat qilish bo’limi boshlig’i Q.R. Tuxsanov ochib berdi. Uchrashuvda shuningdek, Ta’lim sifatini nazorat qilish davlat inspeksiyasi Buxoro viloyati bo’limi raxbari ham ishtirok etdi.Mamlakatimiz mustaqillikka erishgan ilk kunlardanoq korrupsiyaga qarshi kurashish masalasiga umumdavlat miqyosidagi vazifa sifatida qaralib, uning oldini olish va davlat apparatini korrupsionerlardan tozalash bo‘yicha izchil va muntazam ishlar olib borilmoqda. Xususan, mamlakatimizda huquqni muhofaza qilish organlari tarkibida korrupsiya va uyushgan jinoyatchilikka qarshi kurashuvchi alohida tuzilma va bo’linmalar shakllantirildi.Uchrashuv ochiq muloqot tarzida o‘tkazilib, ta’lim taraqqiyotiga raxna solayotgan korrupsiya illatining ayanchli oqibatlariga e’tibor qaratildi.Tadbirda so‘zga chiqqan O’zbekiston Respublikasi Vazirlar Mahkamasi huzuridagi ta’lim sifatini nazorat qilish davlat inspeksiyasi oliy ta’lim va oliy o’quv yurtidan keyingi ta’lim muassasalarini attestatsiyadan o‘tkazish bo‘limi boshlig‘i Ruzmetov Raxmatjon Ibodullayevich mamlakatimizda korrupsiyaning oldini olish borasida davlatimiz rahbari rahnamoligida ko‘plab ishlar amalga oshirilayotganligini ta’kidladi.“Korrupsiya holati farmonda chiqqan paytda ikki soha ya’ni ta’lim va qurilish sohasini korrupsiyasiz qilishi aytilgan. Oliy ta’lim muassasalari talabalari haligacha o'z fikrini to’g’ri ekanligini isbotlab beradigan darajaga yetib kelmaganlar. Biz Oliy ta’limni korrupsiyasiz soha qilamiz demoqdamiz va bunga yetishishimiz kerak va albatta bunga erishamiz! Oliy ta’limni to’liq dunyodagi oliy ta’lim muassasalaridan kam bo’lmaydigan qilib gavdalantiradigan konsepsiya ishlab chiqildi ” –deydi o’z nutqida Oliy ta’lim va oliy o’quv yurtidan keyingi ta’lim muassasalarini attestatsiyadan o‘tkazish bo‘limi boshlig‘i R.I. Ruzmetov.Uchrashuvdan talabalar tomonidan savollar berilib ularga Oliy ta’lim va oliy o’quv yurtidan keyingi ta’lim muassasalarini attestatsiyadan o‘tkazish bo‘limi boshlig‘i batafsil javob berdi. Buxoro davlat universiteti Matbuot kotibi Otabek Jalolov
