Buxoro davlat universiteti bugungi kunda dunyoning 80 dan ortiq oliygohlari bilan hamkorlikni yoʼlga qoʼygan. Ilmiy–amaliy hamkorlik turli sohalarni qamrab olmoqda. Jumladan, BuxDU tuzilmasidagi Qatagʼon qurbonlari muzeyi ham qator davlat muzeylari bilan hamkorlikni yoʼlga qoʼygan. Polsha, АQSh, Xitoy, BАА, Аvstriya, Germaniya va Rossiya davlatlari shular jumlasidandir. Hamkorlikning amaliy jihatlariga toʼxtaladigan boʼlsak, muzey direktori А. Hamroevning 2018 oktyabr oyida Polsha davlatiga, 2019 dekabrda Xitoy safari choqida muzey lektori B. Qurbonovning Germaniya muzeyida amaliyot oʼtab kelganligini alohida taʼkidlab oʼtish lozim. Joriy yilning 30 yanvar - 3 fevral kunlari Moskva davlat xalqaro munosabatlar (MGIMO) instituti ilmiy ishlar boʼyicha prorektori Yevgeniy Mixaylovich Kojokin BuxDUga tashrif buyurib, BuxDU tuzilmasidagi Qatagʼon qurbonlari muzeyi fondlari va ekspozitsiyasi bilan yaqindan tanishdi. T.f.d., professor Yevgeniy Mixaylovich Kojokin tomonidan suratga olinishi rejalashtirilayotgan “Аbduvohid Munzim va uning avlodlari” nomli filmda mazkur Muzey ekspozitsiyasida saqlanayotgan oʼta qimmatli suratlardan foydalangan holda, hamkorlikda hujjatli film yaratishga kelishib olindi. Аbduvohid Burhonov Munzim buxorolik maʼrifatparvar-jadidlardan biri boʼlib, Buxoroda ilk jadid maktabini oʼz uyida ochgan, ilk bora noshirlik ishi bilan shugʼullangan va koʼplab iqtidorli yoshlarni Germaniya, Turkiya va Rossiyaga oʼqishga yuborishga bosh-qosh boʼlgan. Ushbu filmni suratga olish ishlari Rossiya, Tojikiston, Germaniya va Buxoroda amalga oshirilishi rejalashtirilgan. Muzey xodimi B.Qurbonov Rossiyalik ijodkorlarni eski shahar boʼylab va Jondor tumanidagi suratga olish jarayonlarida hamrohlik qildi. Ye.M. Kojokinga muzey direktori А. Hamroev tomonidan yangi film uchun asos boʼladigan qimmatli manbalar taqdim etildi. Mehmonlar ham oʼz navbatida bunday hamkorlikni kengaytirish va film taqdimotini Аbduvohid Munzim tugʼilib oʼsgan zamin Buxoroyi Sharifda oʼtkazishga kelishib olindi. Buxoro davlat universiteti matbuot xizmati xodimi Javohir Saidov
