Prezident “O‘zbekiston Respublikasi Qurolli Kuchlari tashkil etilganligining 28 yilligi hamda Vatan himoyachilari kunini nishonlashga tayyorgarlik ko‘rish va o‘tkazish chora-tadbirlari to‘g‘risida”gi farmoyishni imzoladi. Unga ko‘ra, O‘zbekiston Respublikasi Qurolli Kuchlari tashkil etilganligining 28 yilligi hamda Vatan himoyachilari kunini nishonlashga tayyorgarlik ko‘rish va o‘tkazishga bag‘ishlangan vatanparvarlik oyligini 2019 yil 15 dekabrdan 2020 yil 15 yanvarga qadar o‘tkazish bo‘yicha tadbirlar Dasturi tasdiqlandi.Farmoyishda Vatan himoyachilari kunining keng nishonlanishini ta’minlash davlat va jamoat tashkilotlarining birinchi navbatdagi vazifalaridan biri hamda har bir O‘zbekiston Respublikasi fuqarosining sharafli burchi ekanligi ko‘rsatib o‘tilgan. Shuningdek, ishchi guruh harbiy-ma’muriy sektorlar bilan hamkorlikda Dasturda belgilab berilgan bayram tadbirlarini “Vatanparvarlik – milliy yuksalish kafolati!” umumiy shiori ostida tashkiliy jihatdan yuksak saviyada amalga oshirish, davlat va jamoat tashkilotlarining rahbarlari tomonidan o‘zlari tahsil olgan oliy ta’lim muassasalari, akademik litseylar, kasb-hunar kollejlari va umumta’lim maktablarida “Mardlik va jasorat” mavzusidagi darslar o‘tkazishi belgilangan.Shu munosabat bilan Buxoro davlat universitetida 2020-yilning 7-yanvar kuni 28803-harbiy qism, Milliy gvardiya qo'shinlari hamda BuxDU Harbiy ta'lim fakulteti hamkorligida Faxriy qorovul safi va "Qo'l jangi" ko'rgazmali chiqishlari namoyish etildi. Ushbu tadbirda Buxoro davlat universiteti rektori O.X. Xamidov so'zga chiqib Vatan himoyachilarini yaqinlashib kelayotgan bayramlari bilan tabriklab Vatanimiz sarhadini qo'riqlash nechog'li muhim ekanligi to'g'risida gapirib tadbirni boshlab berdi. Tadbir davomida harbiy texnikalar namoyishi hamda "Qo'l jangi" ko'rgazmali chiqishlari talabalarga namoyish etildi. Bunday tadbirlar universitetimizda 14-yanvarga qadar davom etadi.Buxoro davlat universiteti Matbuot kotibi Otabek Jalolov
