Buxoro davlat universiteti Axborot texnologiyalari kafedrasi va Germaniyaning Beuth amaliy tadqiqotlar universiteti Media va Informatika kafedrasi hamkorligida 31-yanvar soat 17:00 da “Introduction of Neural Networks” mavzusida vebinar dars o’tkazildi. Ma’ruzachi Germaniyaning Beuth amaliy tadqiqotlar universiteti professori Agathe Merceron tinglovchilarga yuqoridagi mavzu yuzasidan ancha qiziqarli ma’lumotlarni yetkazib berdi. Dars davomida tinglovchilarga kichik topshiriqlar berilib ularning bilimi tekshirilib turildi. Bundan tashqari ushbu dars savol-javoblarga boy va qiziqarli o’tdi. Jarayon ingliz tilida olib borildi, bunda tarjimani kafedra o’qituvchilari amalga oshirdi. Ushbu vebinar dars talaba va magistrlarda katta qiziqish uyg’otdi va ular tomonidan kelgusida bunday darslarni ko’proq tashkil etish taklifi berildi.
