Buxoro shahrida “Yangi yil” bayrami munosabati bilan oʼtkaziladigan madaniy-maʼrifiy tadbirlarda universitet talabalari ishtirokini taʼminlash hamda Viloyat hokimligining 2019-yil 12-dekabrdagi “Yangi yil” bayrami munosabati bilan oʼtkaziladigan madaniy-maʼrifiy tadbirlar yuzasidan chora-tadbirlar dasturida belgilangan vazifalar ijrosini taʼminlash maqsadida rektoratning 2019-yil 13-dekabrdagi 1127-U sonli buyrugʼi ishlab chiqildi.Unga ko'ra 2019-yil 26-dekabr kuni Buxoro shahar "Haqiqat" ko'chasida "Yangi yil shukuhi" shiori ostida karnaval, karnaval davomida kontsert dasturi, turli aktsiyalar, qorbobo va qorqizlar chiqishlari, talabalar teatr studiyasi, Quvnoqlar va zukkolar guruhi aʼzolarining chiqishlari tashkil etildi. Ushbu tadbirlar Oʼquv ishlari boʼyicha prorektor M.Daminov, Yoshlar bilan ishlash, maʼnaviyat va maʼrifat boʼlimi, Tabiiy fanlar, Sanʼatshunoslik fakultetlari tomonidan tashkil etildi.Shuningdek, 27-dekabr kuni shahrimizning "Ark" qo'rg'oni oldida Buxoro davlat universiteti raxbariyati, Pedagogika, Maktabgacha va boshlang'ich ta'lim fakulteti talaba yoshlari hamda ma'naviy-ma'rifiy ishlar bo'yicha dekan o'rinbosarlari bilan birgalikda yangi yilga konsert dasturi tashkil etildi. Unda Pedagogika fakultetining "Oscar" qvz guruhi ishtirok etib tadbirni ko'tarinki kayfiyatda o'tkazishda yordam berishdi. Shuningdek, psixologiya rus ta'lim yo'nalishi talabalari tomonidan bolalar bilan qiziqarli o'yinlar tashkil etildi. Buxoro davlat universiteti Matbuot kotibi Otabek Jalolov
