Muhtaram Prezidentimiz tomonidan joriy etilgan 5 ta tashabbus, darhaqiqat, hayotimizning barcha jabhasida o’z aksini kundan - kunga topayotganligiga amin bo’lib bormoqdamiz. Masalan, fikrimizni dalili sifatida, fizika-matematika fakultetiga qarashli talabalar turar joyining 1-binosiga sayohatimiz mobaynida ko’plab talabaqizlarning bo’sh vaqtlaridan unumli foydalanayotganligidan xursand bo’ldik – deydi Fizika-matematika fakultetining “Xotin-qizlar kengashi” raisi dotsent N.S. Sayidova. Shuningdek talabalar bilan Axborot texnologiyalari kafedrasi katta o`qituvchilari L.J. Yodgorova, G. Atayeva, Sh. Imomova yaqindan suhbatlashdilar. Fikrimizning isboti sifatida 1-1FIZ-17 guruhi talabasi Sayidova Muxlisa 1-binoning 2-qavatida o’z hunari orqali ko’pgina qizlarga foyda keltirayapdi.Sababi bu talaba qizimiz, o’zining hunarini anchagina yo’lga qo’ygan holatda, 214- xonani tikuvchilik xonasiga aylantiribdi. Ko’rib turganingizdek, ushbu xonada tikuvchilik faoliyatini olib borish uchun barcha shart-sharoitlar yaratilgan. Qolaversa, Muxlisa o’z hunarini binodagi qolgan talaba qizlarga ham o’rgatyapdi, ya’ni to’garaklar ham olib boryapdi. Biz o’qituvchilar Muxlisaning ish jarayoniga qiziqib, uni tikish jarayonini kuzatdik.
