BuxDU Xorijiy tillar fakulteti 11-6,7 ing-19 guruhi talabalari Ingliz tilshunosligi kafedrasi o'qituvchisi Z.M. Majidova murabbiyligi ostida Yangi Yil bayrami munosabati bilan yana bir xayriya tadbiriga qo'l urishdi.Oldin xabar qilinganidek, Buxoro shahar 24-son ko'rish imkoniyati cheklangan bolalar uchun ixtisoslashgan davlat muassasiga yaqinda homiy talabalar tomonidan bezatilgan archa sovg'a qilingan edi. Bu ishning davomi sifatida ayni shu muassasa o'quvchilaridan biriga kasalligi va oilaviy sharoiti og'irligi sababli moddiy yordam ko'rsatildi.Kuni kecha esa Buxoro shahrida joylashgan "Oydin Nur" oilani ijtimoiy himoyalash NNTda volontyorlar va homiylar tomonidan yangi yil sovg'alari ulashildi. 11-6,7 ing-19 guruh talabalari murabbiylari Z.M. Majidova bilan birgalikda mazkur markazga tashrif buyurdilar va u yerda istiqomat qilayotgan yoshi ulug' onaxonlar, xotin-qizlar va bolajonlarni bayram bilan qutlashdi. She'rxonlik va turli raqslar ijro etib ularni quvontirdilar. Kichik bo'lsada, markazda istiqomat qiluvchi bu ayollar qalbida ulkan jo'shqinlik uyg'otgan bu tadbir oxirida onaxonlar talabalarga hamda ularning ustozlariga minnatdorchilik bildirib, ularni ko'pdan-ko'p duo qildilar.
