Buxoro davlat universiteti Filologiya fakulteti “O`zbek tilshunosligi” kafedrasi mudiri A.R. Axmedov (f.f.n., dots.) hamda kafedra o`qituvchisi D.A. Tosheva (PhD) tashabbusi bilan 16-17 dekabr kunlari Turkiyaning Qirqlareli universiteti professori Bulent Bayram hamda mustaqil tadqiqotchisi Venera Falaxova Filologiya fakultetida ochiq ma’ruza qilishdi.Ma’ruza “Xalq og`zaki ijodi” hamda “Turkiy tillarning qiyosiy-tarixiy grammatikasi” fanlari doirasida bo`ldi. Ochiq ma’ruza jarayonida Go`rog`li turkumidagi dostonlarning shakllanish tarixi hamda turkiy xalqlar adabiyotidagi talqiniga, bugungi kunda turkologiya doirasida olib borilayotgan izlanishlar, turkiy tillarning qiyosiy grammatikasiga alohida to`xtalib o`tildi. Ochiq ma’ruzaga fakultet professor-o`qituvchilari hamda I-IV bosqich talabalari ishtirok etishdi. Ma’ruzadan so`ng kelgusida o`zaro hamkorlik qilish hamda tajriba almashish maqsadida istiqbol rejalari xususida kelishildi.
