2020-yilning 7-yanvar kuni Buxoro davlat universiteti rektori O.X. Xamidov universitet magistratura talabalari bilan uchrashuv o'tkazdi. Uchrashuvda Ilmiy ishlar va innovatsiyalar bo'yicha prorektor O.S. Qahhorov, Filologiya, Tarix va madaniy meros, Fizika-matematika, Iqtisodiyot va turizm, Pedagogika, Tabiiy fanlar fakultetlari dekanlari, universitet Yoshlar Ittifoqi yetakchisi O.Sobirov, magistratura bo'limi boshlig'i A.To'rayev hamda 340 dan ortiq magistratura talabalari ishtirok etdilar.Uchrashuvda BuxDU rektori Obidjon Xafizovich 2019 yil 27 dekabrda O'zbekiston Respublikasi Prezidenti Shavkat Mirziyoyev Muhammad al-Xorazmiy nomidagi maktabda yoshlar bilan uchrashuvi, Yoshlar Ittifoqi negizida Yoshlar ishlari agentligini tuzilishi, "Yoshlar media xoldingi" tashkil etish taklifi, 2020 yil yoshlarga oid davlat siyosatida tub burilish yili bo'lishi, yoshlarga berilayotgan va yaratilayotgan imkoniyatlar to'g'risida gapirib uchrashuvni ochib berdi. Bundan tashqari yig'ilishda asosiy masalalardan biri korrupsiyaning oldini olishga qaratildi. Uchrashuvda shuningdek, rektorimiz tomonidan magistratura talabalariga xorijiy tillarni o'rganish, bevosita ta'lim jarayoni bilan hamohang yurish aytib o'tildi. "Liderlik qobiliyatiga ega bo'lgan, kamida 2 ta xorijiy tillarda dars o'ta oladigan professor-o'qituvchilarni magistratura talabalariga etalon sifatida ko'rsatishimiz mumkin, bu borada albatta ta'lim tarbiya, muomala madaniyati darslarni olib borish kabi kasbiy mahoratga ega bo'lishi kerak." -deydi Buxoro davlat universiteti rektori O.X. Xamidov. Buxoro davlat universitetida magistratura hamda bakalavr talabalari ishtirokida avval tashkil topilgan "Zakovat" jamoasini qayta tiklash aytib o'tildi. BuxDU rektori O.X. Xamidov magistratura talabalariga universitet faol professor-o'qituvchilari darslariga kirib dars tahlilini olib borishi, dars o'tayotgan professor-o'qituvchining dars berish metodikasini ko'rishi, "Eng yaxshi magistratura talabasi" tanlovida ishtirok etishi, magistratura talabalari orasidagi tashabbuslarda ishtirok etishni aytib o'tdi. Uchrashuvda magistratura talabalari tomonidan bir qator savollarga rektorimiz Obidjon Xamidov tomonidan javob berildi. Uchrashuv so'ngida universitet rektori bunday uchrashuvlar endi har oyda bir marta bo'lib o'tishini ta'kidlab o'tdi. Kelgusi uchrashuvlarda magistratura talabalarining o'z vazifalarini bajarilish holati bo'yicha hisobot berishlari ko'zda tutilgan. Buxoro davlat universiteti Matbuot kotibi Otabek Jalolov
