2019 yilning 28 dekabr - 2020 yilning 2 yanvar kunlari Buxoro davlat universiteti telegram tarmog`idagi kanalida "Yangi yil onlarini BuxDU bilan o`tkazing" nomi ostidagi foto-suratlar tanlovi bo`lib o`tgan edi. Buxoro davlat universiteti matbuot xizmati tashabbusi bilan o`tkazilgan tanlovda 40 dan ortiq ijtimoiy tarmoqlarda faol va qiziquvchan yoshlar ishtirok etdilar.Tanlov shartlariga binoan ishtirokchilar o`zlarining foto-suratlari uchun ovoz to`plashlari lozim edi. Ovoz berish yakuniga ko`ra g`oliblar aniqlandi. 1 o`rinni Elmurodov Shohjahon, 2-o`rinni Oqmamatova Sanobar 3-o`rinni esa Sa`dullayev Azamat egallagan edilar. Kuni kecha Buxoro davlat universitetida tanlov g`oliblarini tantanali taqdirlash marosimi bo`lib o`tdi. G`olib bo`lgan yoshlar Buxoro davlat universiteti rektori O.X. Xamidov tomonidan tashkil etilgan maxsus diplom va kitoblar jamlanmasi bilanb taqdirlandilar. Ta`kidlash joizki, bu kabi ko`rik-tanlovlar o`zining ko`p vaqtini ijtimoiy tarmoqda o`tkazadigan, ijtimoiy jihatdan faol va estetik didga hamda kuchli intilishga ega talaba-yoshlar uchun sotsial lift vazifasini o`taydi. G`olib bo`lgan yoshlarimizni esa tabriklab, keyingi tanlovlarda ham zafarlar tilab qolamiz. Buxoro davlat universiteti matbuot xizamati tomonidan yangi 2020 yilda ham bu kabi tanlovlar salmog`ini oshirilib, yoshlarimizning bo`sh vaqtini mazmunli tashkil etishga harakat qilinadi.P/s: Tanlov shartiga binoan tanlov g`oliblari statuetka bilan taqdirlanishi kerak edi. Lekin ma`lum bir sabablarga ko`ra badiiy kitob bilan taqdirlash ma`qul ko`rildi. Shunday ekan, bizdan uzoqlashmang va rasmiy sahifalarimizga obuna bo`ling.Telegram | Instagram | Facebook | Web-sayt Taqdirlash marosimidan fotolavhalar: Buxoro davlat universiteti matbuot xizmati
