Xorijiy tillar fakulteti Ingliz tilshunosligi kafedrasida tahsil olayotgan Filologiya tillarni o'qitish va tarjima nazariyasi va amaliyoti yo'nalishi talabalarning ota-onalari ishtirokida o'quv jarayonining borishi, universitet ichki tartib- qoidalari, talabalar uchun yaratilgan shart-sharoitlar xaqidagi masalalar yuzasidan ota-onalar bilan ochiq muloqot o'tkazildi. Unda so'z olgan fakultet dekani M.Juraeva va ingliz tilshunosligi kafedrasi mudiri Z.Rasulovlar o'quv jarayoni bilan bog'liq maʼlumotlar bilan tanishtirdilar.Muloqot chog'ida yuqoridagi masalalar yuzasidan ota-onalarni qiziqtirgan turli savollarga javob berildi va takliflar bildirildi. Qizg'in savol javob va takliflarga boy ruhda kechgan mazkur muloqot talaba yoshlar uchun universitetda talab darajasida taʼlim va tarbiya jarayonlarini tashkil etishga xizmat qiladi.
