Butun dunyo bo‘ylab Xalqaro nogironlar kuni 3 dekabrda nishonlab, ushbu sana munosabati bilan barcha nogironlarni qo‘llab-quvvatlash, ularning qadr-qimmati va huquqlarini himoyalashga doir tadbirlar o‘tkaziladi.O‘tgan davr mobaynida respublikada nogironlarni ijtimoiy muhofaza qilish, ularni ijtimoiy qo‘llab-quvvatlash masalalariga bag‘ishlangan yuzdan ziyod normativ-huquqiy hujjatlar ishlab chiqilib, amaliyotga tadbiq etildi. Ana shunday tadbirlardan biri Buxoro davlat universitetining faollar zalida bo‘lib o‘tdi. Sana munosabati bilan zalda universitetda tahsil oluvchi 121 nafar nogironligi bor talabalar ishtirok etdilar. Tadbirni yoshlar bilan ishlash bo‘yicha prorektor A.M. Kadirov kirish so‘zi bilan ochib, universitetimiz rektori O.X. Xamidov nomidan barcha ishtirokchilarga tabriknoma yo‘lladilar. Bundan tashqari, barcha nogironligi bor talabalar universitet rektori tomonidan bir stipendiya miqdorida rag‘batlantirildi. Nogironlar boshqa nogiron bo‘lmagan kishilar bilan tenghuquqliligi, nogironlarning manfaatlari, huquqlari inobatga olinishi, ular orasida universitetimizning nafaqat ilmiy salohiyatini oshirishga balki ma'naviy-ma'rifiy jarayoniga bevosita faol talabalar borligi ko‘zni quvontiradi. Tadbir davomida A.M. Kadirov Jismoniy madaniyat fakul'teti 2 bosqich talabalari paraosiyo o‘yinlari yengil atletika bo‘yicha O‘zbekiston kubogi chempionlari Rixsiev Muhammad hamda Jumaqulov Begzodni qutlab, ularning kelgusi ishlarida zafarlar tiladilar. Tadbir talabalar uchun ko‘tarinki ruhda, badiiy-kompozision dastur bilan davom etdi.Eng asosiysi shuki, bugungi kunda respublikamizda nogironlik muammolarini hal qilish yo‘nalishining mustahkam poydevori yaratildi va ushbu dolzarb yo‘nalishda davlat organlari, keng jamoatchilik, respublikamizning har bir fuqarosi maqsadli ishlarni amalga oshirmoqda. Jannatmakon yurtimizda bugungi kunda ro‘yobga chiqayotgan barcha yangilik va ezgulik ishlari respublikamiz Mustaqilligining hamda istiqlolimizning mevasidir. Shuning uchun ham bunday yurtning, elning kelajagi buyukdir deyishga asosimiz bor.Yoshlar bilan ishlash, ma'naviyat va ma'rifat bo‘limi uslubshunosiSh. E.Radjabova
