BOBOJONOV SHАVKАTJON ULUGʼBEKOVICHShavkatjon Ulugʼbekovich Bobojonov 1993 yilda Buxoro shahrida tugʼilgan. Maʼlumoti oliy. 2017 yilda Buxoro davlat universitetini tamomlagan. Ixtisosligi tarix va ijtimoiy fanlar. Mehnat faoliyatini 2015 yilda “Kamolot” YoIH Buxoro viloyati Kengashi muassisligidagi “Buxoro yoshlari” gazetasida muxbirlikdan boshlagan. 2015-2016 yillarda Buxoro Neft va gaz sanoati kasb-hunar kollejbda tarix-huquq fani oʼqituvchisi, 2016-2017 yillarda Buxoro davlat badiiy-meʼmorchilik muzey-qoʼriqxonasi “Naqshbandiya tariqati” muzeyi rahbari lavozimlarida samarali mehnat qilgan. 2017 yildan buyon Buxoro davlat universiteti Tarix kafedrasi, soʼngra Buxoro tarixi kafedrasi oʼqituvchisi lavozimida faoliyat koʼrsatib kelmoqda. Mehnat faoliyati davomida oʼzining bilimi, intellektual salohiyati va tashabbuskorligi bilan yuqori natijalarga erishdi. U mamlakatimiz yoshlarini Vatanimiz tarixi borasidagi bilimlarini oshirish, boy oʼtmishimizdan yoshlarni xabardor etish, ularni Ona Vatanga muhabbat, yurtga sadoqat ruhida tarbiyalashda hamda yoshlarni yuksak intellektual salohiyatli qilib tarbiyalashda xizmat qilmoqda. Sh.U.Bobojonov Buxoro tarixi va etnografiyasiga doir ilmiy izlanishlar olib bormoqda. Uning ilmiy maqolalari Rossiya Federatsiyasi, Tojikiston, Turkiya, Yaponiya va Ukraina davlatlatlari nashrlarida chop etilgan. 2 ta ilmiy risolasi va 100 ga yaqin ilmiy va ilmiy-ommabop ishlari nashr etilgan. 2011 yilda yoshlar oʼrtasida Аleksey Kirillovich Kortunov nomidagi mukofot bilan taqdirlangan. 2015 yilda “Jamiyat va men” koʼrik-tanlovining “Tarixiy va madaniy mavzuda yozilgan eng yaxshi material” yoʼnalishida respublikada I-oʼrinni qoʼlga kiritgan. 2015-2016, 2016-2017 oʼquv yilda Oliy taʼlim muassasalari talabalari uchun taʼsis etilgan “Kamolot” stipendiyasining ikki karra gʼolibi boʼlgan. 2017 yilda Oʼzbekiston Xalq demokratik partiyasi tomonidan anʼanaviy ravishda tashkil etiladigan “Yosh siyosatchi” tanlovining respublika bosqichida “Yosh restavratorlar guruhini tashkil etish” nomli loyihasi bilan 1-oʼrinni qoʼlga kiritgan. 2018 yilda Oʼzbekiston Respublikasi Prezidenti huzuridagi Islom Karimov nomidagi ilmiy-maʼrifiy yodgorlik majmuasi va Islom Karimov Respublika xayriya jamoat fondi tomonidan oʼtkazilgan “Islom Karimov xotirasiga bagʼishlangan eng yaxshi ilmiy-ommabop maqola” xalqaro koʼrik-tanlovi gʼolibiga aylangan. Buxoroda boʼlib oʼtgan jahon miqyosidagi III-Ijtimoiy fanlar kongressida “Yilning eng yosh tadqiqotchisi” deb topilgan. Sh.U.Bobojonov Oʼzbekiston Respublikasi Oliy Majlisi huzuridagi NNTlar va fuqarolik jamiyatining boshqa institutlarini qoʼllab-quvvatlash jamoat fondi tomonidan eʼlon qilingan “Orzu bir, maqsad bir, Vatan yagona!”, “Biz boy meros egalarimiz, ularni asrab – avaylash burchimizdir!”, “Erkin fuqarolik jamiyati qurish yoʼlida kamarbasta boʼlaylik!” nomli davlat granti loyihalari ishtirokchisi. Shavkatjon Bobojonovning Saylovoldi dasturi Oʼzbekistonda ijtimoiy-demokratik davlat qurishda ijtimoiy adolat, tenglik, birdamlik tamoyillariga tayanadi. Shu maqsadda nomzod quyidagi tashabbuslar bilan chiqmoqda: 1. Toʼlov-shartnoma asosida tahsil oladigan kam taʼminlangan oilalarning farzandlariga imtiyozli taʼlim kreditlarini ajratish;2. Nogironligi boʼlgan shaxslarning oliy taʼlim muassasalarida oʼqishi uchun imkoniyatlarni kengaytirish;3. Partiya davlat-xususiy sheriklik asosida tashkil etiladigan nodavlat taʼlim muassasalarida faqat oʼziga toʼq oilalar farzandlari oʼqiy olishiga yoʼl qoʼymaslik maqsadida ushbu taʼlim muassasalaridagi toʼlov-kontraktning ijtimoiy maqbul miqdorini qonunchilikda belgilab qoʼyish;4. Maktab oʼquvchilarining jamoat transportidan bepul foydalanishiga erishish;5. Oliy taʼlim tizimini davlat tomonidan tartibga solishga doir ilgʼor xorijiy tajribani hisobga olgan holda toʼlov-kontrakt miqdorini optimallashtirish, talabalarga tayinlanadigan stipendiya miqdorini fanlarni oʼzlashtirish darajasi hamda innovatsion faolligiga qarab belgilash;6. Nogironligi boʼlgan bolalar uchun maxsus adabiyotlar, jumladan, ovoz joʼrligidagi Brayl alifbosi asosida ham chop etish va xarid qilish, inklyuziv taʼlimni rivojlantirish va shu sohada faoliyat koʼrsatayotgan oʼqituvchilariga imtiyozlar taqdim etish, ushbu maqsadlar uchun xarajatlarni davlat byudjetidan moliyalashtirishni taʼminlash;7. Kam taʼminlangan oilalar farzandlari uchun “Barkamol avlod” bolalar maktablariga toʼlovlarni bekor qilish;8. Mamlakatning moddiy va nomoddiy madaniy merosidan aholining kam taʼminlangan qatlamlari bahramand boʼlishi uchun qulay imkoniyatlar yaratish lozim. Shu maqsadda, partiya homiylar yordamida Oʼzbekistonning diqqatga sazovor joylariga sayohatlar uyushtirish uchun ixtisoslashtirilgan fondlar tuzish;Oilali. Shavkatjon Ulugʼbekovich Bobojonov 8-Namozgoh saylov okrugidan Xalq deputatlari Buxoro shahar Kengashi deputatligiga nomzod etib roʼyxatga olingan. Buxoro davlat universiteti matbuot xizmati xodimi: Javohir Saidov
