Joriy yilning 6-dekabr kuni Buxoro davlat universiteti katta yig‘ingohida O‘zbekiston Respublikasi Konstitusiyasining 27 yilligiga bag‘ishlangan bayram tadbiri bo‘lib o‘tdi. Bayram tadbirini Yoshlar bilan ishlash bo‘yicha prorektor A.M. Kadirov kirish so‘zi bilan boshlab, manfaatlarimiz va intilishlarimizdan kelib chiqqan holda, Asosiy Qonunimiz Sharq va G‘arb, Janub va Shimolning 97 ta mamlakati to‘plagan ilg‘or konstitusiyaviy tajribani hisobga olib yaratilgan deb ta'kidlab, barcha tadbir ishtirokchilarini bu sana bilan muborakbod etdi. Tadbirda Respublika “Inson huquqi, madaniyati markazi” rahbari Ixtiyor Umarov, “Inson huquqi, madaniyati markazi” Buxoro viloyati filiali rahbari M.A. Kurbanova ishtirok etdilar. Respublika “Inson huquqi, madaniyati markazi” rahbari Ixtiyor Umarov bugungi kunda mamlakatimizda sodir etilayotgan siyosiy o‘zgarishlarga yoshlarning e'tiborini qaratish, huquqiy ong, huquqiy madaniyatni oshirish borasida olib borilayotgan islohotlar to‘g‘risida gapirib o‘tdi. Talaba-yoshlarga huquqiy savodxonlikni oshirish bo‘yicha “@inson_huquqi” telegram kanaliga a'zo bo‘lishlari, shuningdek, jamiyatimiz, yoshlarimizning huquqiy bilimi kuchli bo‘lsagina, korrupsiya kabi jinoyatlarning ham sodir etilishi kamayib boradi deb ta'kidlab o‘tdi. I.Umarov talabalar bilan ochiq muloqot tarzida suhbatlashib, huquqiy bilimlarini charxlash maqsadida savol javob qildi hamda universitet hayotida eng faol bo‘lgan talabalarga futbolkalar, plakatlar, qo‘llanmalar sovg‘a qildi.Qomusimizga bag‘ishlangan tadbirda “Yil talabasi” respublika tanlovining universitet bosqichi “Yilning o‘z mutaxassisligi bo‘yicha eng bilimdon talabasi”, “Yilning eng faol tashabbuskor – targ‘ibotchi talabasi”, “Yilning eng faol sportchi talabasi”, “Yilning eng faol blogger talabasi”, “Yilning eng faol ixtirochi-innovator talabasi”, “Yilning eng faol ijodkor talabasi”, “Yilning eng namunali tadbirkor talabasi” nominasiya bo‘yicha g‘oliblari, shuningdek, “O‘zbekiston yoshlari buzg‘unchi g‘oyalarga qarshi” mavzusida o‘tkazilgan “Eng yaxshi maqola” tanlovi g‘oliblari universitet rektori O.X.Xamidov nomidan faxriy yorliqlar bilan taqdirlandilar.Tadbir universitetning Yoshlar bilan ishlash, ma'naviyat va ma'rifat bo‘limi hamkorligida Maktabgacha va boshlang‘ich ta'lim, San'atshunoslik, Tarix va madaniy meros fakul'teti talabalari tomonidan tayyorlangan badiiy-kompozision bayram dasturi bilan davom etdi.Yoshlar bilan ishlash, ma'naviyat va ma'rifat bo‘limi uslubshunosi Sh.E. RadjabovaBuxoro davlat universiteti Matbuot kotibi Otabek Jalolov
