Buxoro davlat universiteti Xorijiy tillar fakulteti "Tabiiy yo`nalishlarda chet tili" kafedrasi o`qituvchilari X.S. Safarova va B.M. Norovalar tashabbusi bilan Talabalar turar joyida "Til - millat ko`zgusi" mavzusida tadbir tashkil etdilar. Unda universitetning Fizika-matematika fakulteti talabalari ishtirok etdilar.Tadbirda o`qituvchilar so`zga chiqib tilning asl mohiyati, uni asrash va tilimizning tarixi haqida to`xtalib o`tdilar. Ta`kidlash joizki, hozirgi kunda dunyoda 5600 ta tillar mavjud. Vaholanki, ularning 90 foizi yoqolish arafasidaligini inobatga olsak, o`qituvchilar tomonidan ko`tarilgan masala dolzarb muammoligini ko`rishimiz mumkin bo`ladi. Bizdan talab etilayotgan narsa o`zbek tilining badiiy jozibadorligini asrash va grammatik jihatdan aholimizni savodli qilishdan iboratdir.Fotolavhalar: Buxoro davlat universiteti matbuot xizmati xodimi: Javohir Saidov