2019 –yilning 25-noyabr kuni Buxoro davlat universiteti Fizika-matematika fakultetida “Xalqaro ayollarga nisbatan zo’ravonlikka barham berish kuni” munosabati bilan “Xotin – qizlarni tazyiq va zo`ravonlikdan himoya qilish tarafdorimiz” mavzusidagi tadbir tashkil etildi.Tadbirni J. Nuriddinov ochib berdilar. BMT Bosh Assambleyasining 1999 yil 17 dekabrdagi rezolyutsiyasi bilan 25 noyabr – Xalqaro ayollarga nisbatan zo‘ravonlikka barham berish kuni, deb e’lon qilinganligi haqida gapirib o`z fikrlarini bildirdilar. 2014 yilda BMT Bosh kotibi ayollarga nisbatan zo‘ravonlikni yo‘q qilishga qaratilgan “UNITE” nomli tashabbusini ochiq deb e’lon qildi. Shu munosabat bilan har yili dunyo bo‘ylab 25 noyabrdan 10 dekabrgacha “16 kun zo‘ravonliksiz!” shiori ostida jamoatchilikning faol ishtirokida tadbirlar o‘tkaziladi. O‘zbekistonda ham ayollarni himoya qilish, ularning turli zo‘ravonliklarning qurboni bo‘lmasligi uchun kurashish dolzarb ahamiyatga ega. Joriy yilda qabul qilingan “Xotin-qizlarni tazyiq va zo‘ravonlikdan himoya qilish to‘g‘risida”gi qonun shu maqsadga xizmat qilmoqda. Xalqaro ayollarga nisbatan zo‘ravonlikka barham berish kuni mamlakatimizda ham keng nishonlanmoqda. “16 kun zo‘ravonliksiz!” shiori ostidagi tadbirlarga start berildi. Shu munosabat bilan poytaxtimizdagi “Compass” ko‘ngilochar savdo markazida “Zo‘ravonliksiz oila” deb nomlangan aksiyaning ochilish marosimi bo‘lib o‘tdi. Xalqaro miqyosda, har yili 25-noyabr Butunjahon ayollarga nisbatan zo'ravonlikka barham berish kuni deb e'lon qilingan. Mazkur kunni nishonlash doirasida, 25- noyabrdan 10-dekabrga qadar “Ayollarga nisbatan zo'ravonlikka barham berish bo'yicha 16 kun faollik” o'tkazilib, jahon hamjamiyati e'tibori ayollarga bo'lgan tazyiq va zo'ravonliklarga qarshi kurashishga qaratiladi. Bu yil O'zbekistonda ayollarni qo'llab-quvvatlash borasida tarixiy qonunlar qabul qilindi. “Ayollar va erkaklar uchun teng huquq va imkoniyatlar kafolatlari to'g'risida” va “Ayollarni tazyiq va zo'ravonlikdan himoya qilish to'g'risida" gi Qonunlar shular jumlasidandir. Bu esa o'z navbatida O'zbekistonda ayollarni qo'llab-quvvatlashga qaratilgan davlat siyosatini xalqaro miqyosda ham tan olinishiga sabab bo'layapti.So`ng N.S. Sayidova har yili 25 noyabr dunyoning ko‘plab davlatlarida ayollarga nisbatan zo‘ravonlikka barham berish kuni sifatida nishonlanishini ta'kidlab o`tdilar va o`zlarining xotin – qizlar va ularning huquqlari haqidagi fikrlarini bayon etdilar. Bugungi kunda ayollarga nisbatan zo‘ravonlikning oldini olish borasida amalga oshirilayotgan ishlar, hukumat tomonidan qabul qilingan “Xotin-qizlarni tazyiq va zo‘ravonlikdan himoya qilish to‘g‘risida”gi qonunning mazmun-mohiyati xususida so‘z yuritdi. Arabov ham fakultetimizda “Xotin-qizlarning huquqiy madaniyati va huquqiy ongini oshirishning dolzarb masalalari” mavzusida seminarlar bo‘lib o‘tayotganligi haqida fikrlarini bayon etdilar. Tadbirda kun tartibidagi masala yuzasidan ma’ruzalar tinglandi. Bundan tashqari o`zining biznesini boshlash istagidagi qizlarimizga zarur maslahatlar, huquqiy yo‘l-yo‘riqlar berib boriladi. Xotin-qizlarimiz juda ishbilarmon. Tadbirkor opa-singillarimizga yaqindan yordam bermoq niyatida xoxlagan talabalarimizga kurs yoki tikuvchilik uchun yordan tariqasida xonalar berilishi mumkinligini aytib o`tdilar. Tadbirda xotin-qizlar haq-huquqlari xususida batafsil so‘z yuritildi. Chunonchi, oilaviy ajrimlar borasida ham fikr-mulohazalar bildirildi. Buning sabablaridan biri ko‘p yoshlarning oilaviy hayotga tayyor emasligidir. Albatta talaba qizlarimiz iloji boricha o`qishni tugatganlaridan so`ngra turmush qursalar bu ko`rinishdagi muammolar o`z o`zidan yechilishi maslahat o`rnida berildi. Buxoro davlat universiteti matbuot xizmati xodimi: Saidov Javohir