Sambochilarimiz Germaniyadagi xalqaro turnir sovrindorlari. Joriy yilning 22-24 noyabr kuni Germaniya davlatida Sambo sport turi bo'yicha "Berliniada" Xalqaro turniri bo'lib o'tdi. Mazkur turnirda 27 ta nufuzli davlatlar qatorida O'zbekiston terma jamoasi ham munosib ishtirok etdi. Quvonarlisi shundaki respublika terma jamoasi tarkibida sambochi hamshaharlarimiz ham ishtirok etib, turnirdagi umumiy 530 ta iqtidorli sportchilar o'rtasida 5ta oltin, 1ta kumush medalini qo'lga kiritdi.G'oliblarimiz: Olimov Zamir 1-o'rin, Zidullayev Dilshod 1-o'rin, Jo'rayev Umid 1-o'rin, Amonov Shamsiddin 1-o'rin, Saidov To'lqin 1-o'rin, Normatov Shahzod 2-o'rinlarni oldilar. Bular orasida 1-o'rin sovrindori Buxoro davlat universiteti Harbiy ta'lim fakulteti 2-bosqich talabasi Ziyodullayev Dilshod Xayrulloyevichning borligi biz uchun sharafdir. G'alaba muborak!!! Buxoro davlat universiteti matbuot xizmati xodimi: Javohir Saidov
