Kuni kecha ijtimoiy tarmoqlarda "Hazrati kursdosh" telegram kanalida "BuxDU talabalar turar joyida yashaymiz,aniklashimcha boshka oliygoxlar TTJ (Talabalar turar joyi)da navbatchilik yuk ammo bizda bor,biz bunga karshi emasmiz, uz vaktida navbatchilik va xaftada bir marta umumiy navbatchilik kilamiz...Ammo shunday achinarli va asabiylashtirishga majbur kiladigan xolatlar xam buladi...Bu xolat 1 marta emas,gapni kiskasi bizni jazolash maksadida etajimizni oxiridagi akfa eshikni kulflab ketishgan,bu eshik ortida 2ta oshxona,kir yuvish xonasi, xojatxona va yuvinish xonasi bor...Bugun shanba,kupchilik ketishi mumkin tugri,ammo kolganlarda nima ayb?kaysidir navbatchi uz ishini chala kilgani uchun nega biz jazolanishimiz kk?" nomli maqola hamda video-fayl joylashtirildi. Buxoro davlat universiteti raxbariyati hamda universitet Matbuot xizmati tomonidan bu muammo kelib chiqishi sabablari o'rganilib chiqildi. Buxoro davlat universiteti talabalar turar joyi yaqinda ta'mirlash ishlaridan chiqarilib talabalar dam olishlari hamda bo'sh vaqtlarini unumli tashkil etishlari uchun u yerda barcha sharoitlar yaratilgan. Universitet talabalar turar joyida xozirgi vaqtda imkoniyati cheklangan, kam ta'minlangan oilalar farzandlari, xorijiy talabalar hamda boshqa viloyatlardan tashrif buyurib universitetga o'qishga qabul qilingan talabalar shuningdek, viloyatimizning chekka tumanlaridan talabalar yashab kelmoqda. Talabalar turar joylarida har bir bino hamda qavatlarda alohida yuvinish xonalari, oshxona, hojatxonalar hamda ma'naviyat xonalari tashkil etilgan. Bu yerda talabalar bo'sh vaqtlarini o'tkazishadi.Yuqoridagi maqola TTJning 4-bino 1-qavatdagi oshxona, yuvinish xonasi hamda hojatxonalarga olib boradigan koridorning eshigini nazarda tutadi. Ushbu eshik doimo ochiq holda turadi. Gap shundaki 7-dekabr kuni soat 17:10 da TTJ 4-bino kommendanti To'rayeva Nodira ish vaqti yakunlangani sababli binoning 1-qavatida hech kim qolmaganligi uchun Akfa eshikni qulflab BuxDU talabasi Nabat Gayypovaga talabalardan kimda kim murojaat qilsa kalitni ularga berishini aytib o'tib qoldirib ketadi. 50 daqiqadan so'ng 4-bino 1-qavatda yashovchi Asadova Nodira Nabat Gayypovani oldiga borib undan kalitni oladi. BuxDU talabasi Asadova Nodira xonadoshlari bilan doim shanba yakshanba kunlari talabalar turar joyida qolib oshxonaga eltuvchi koridor eshigi hech qachon yopiq holatda bo'lmaganligi hamda ovqat pishirish, kir yuvish uchun qiyinchiliklarga uchramaganligi to'g'risida gapirib o'tdi. Buxoro davlat universiteti Matbuot xizmati
