2019 yil 6 dekabr kuni Buxoro shahar 14-maktabda Buxoro davlat universiteti Matematika kafedrasining filiali ochildi. Ochilish marosimiga Matematika kafedrasi mudiri, f.-m.f.n., dots. T.H. Rasulov, dots. N.A. To’rayeva, dots. N.H. Mamatova, katta o’qituvchilar A.Sh. Rashidov va F.M. Jo’rayev, o’qituvchilar U.U. Umarova, N.A. Tosheva, H.G’. Hayitovalar tashrif buyurdilar. Ular 14-maktab jamoasi tomonidan iliq kutib olindi.Tadbir davomida Respublikamizda, xususan Buxoro davlat universitetida “Maktab – oliy o’quv yurti hamkorligi” dasturi doirasida amalga oshirilayotgan islohotlarga to’xtalib o’tildi. T.H. Rasulov bu borada Matematika kafedrasi jamoasi tomonidan bajarilayotgan ishlar to’g’risida axborot berdi. So’ngra, Matematika kafedrasi mudiri T.H. Rasulov va 14-maktab direktori D.A. Abdullayevalar ikki tomonlama shartnoma imzolab, 2019 yil 6 dekabrdan 14-maktabda Matematika kafedrasi filiali o’z faoliyatini boshlaganini e’lon qildilar. N.A. To’rayeva va N.H. Mamatovalar so’zga chiqib, hamkorlikda bajarilishi rejalashtirilgan ishlar hamda ularni amalga oshirish mexanizmlari haqida gapirib o’tdilar. Tadbir so’ngida Matematika kafedrasi professor-o’qituvchilari tomonidan yaratilgan yangi avlod adabiyotlaridan nusxalar maktab kutubxonasiga taqdim qilindi.
