Joriy yilning 21 noyabr kuni Аgronomiya va biotexnologiya fakulteti Тuproqshunoslik kafedrasi 5410500 – Qishloqxo`jaligi mahsulotlarini saqlash va dastlabki ishlash texnologiyasi ta`lim yo`nalishi 13 2.1 QXМS- 19 guruh talabalari tomonidan "Kitob - qalb gavhari" mavzusida tadbir tashkil etildi. Tadbirni fakultet oʼquv ishlari boʼyicha dekan muovini M.Hamidov ochib berib, maʼlumki Kitob – qalb gavhari, koʼngil oftobi. Har daqiqa u bizni donishmandlarning bilim xazinasi bilan oshno eta oladi. Inson hayotida kitobning oʼrni beqiyosdir. Kitob oʼqish nafaqat soʼz boyligini koʼpaytiradi, balki umumiy savodxonlikni ham oshiradi. Shu bilan birga soʼzlashish madaniyatini tokomillashiga olib keladi. Fakultetda shunga oʼxshash tadbirlarni koʼproq oʼtkazsak maqsadga muvofiq boʼladi. O.B.Sharipov; Barchaga maʼlumki, davlatimiz rahbari Sh.M.Mirziyoev taʼkidlaganlaridek turli ziddiyatlar kuchayib borayotgan bugungi dunyo manzaralarida yoshlarimizning maʼnaviy immunitetini kuchaytirish, ularning boʼsh vaqtini mazmunli oʼtkazish har qachongidan ham dolzarbroq ekanini zamonning oʼzi koʼrsatib turibdi. Shu bois prezidentimiz tomonidan ilgari surilgan 5 ta muhim tashabbus muhim ahamiyat kasb etadi. Maʼlumki Toʼrtinchi tashabbus yoshlar maʼnaviyatini yuksaltirish, ular oʼrtasida kitobxonlikni keng targʼib qilish boʼyicha tizimli ishlarni tashkil etishga yoʼnaltirilgan. Shu munosabat bilan 13 2.1 QXMS- 19 guruh talabalari «KITOB- QАLB GАVHАRI» tadbirida 4 tashabbus boʼyicha tadbirni amalga oshirdilar. Аllomalar, donishmandlar va yozuvchi olimlar kitobning moʼʼjizaga, nurga, tafakkur quvvati va ustuniga, mangulik va maʼnaviyat timsoliga, bilim manbaiga, sodiq doʼstga, davr koʼzgusiga oʼxshatganlar. Eng muhimi, kitob jaholatga qarshi maʼrifat bilan kurashda yengilmas kuchdir. Bukungi tadbirda guruh talabalari oʼzlari oʼqigan kitoblari haqida olgan taasurotlarini baham koʼrdilar. Tadbir oxirida guruh rahbari O.B. Sharipov soʼzga chiqdi: Talabar oʼrtasida boʼlgan kitobxonlikda talabalarimizning kitobga boʼlgan ishtiyoqini koʼrishingiz mumkin. Ularning kitobdan olgan taasurotlari koʼrsatgan sahna koʼrinishlarida xolosalarida yaqqol ijobiy tomondan koʼrinib turar edi. Birgina misol: xalqaro tadqiqotlar va soʼrovlar rivojlangan Gʼarb mamlakatlarida internetdan foydalanuvchilar soni qanchalik oshayotgan boʼlsa, kitob sotib olish va oʼqish ham xuddi shunga muvofiq ravishda oʼsayotganligini koʼrsatgan. Vaholanki bu tadqiqotlar internet texnologiyalari nihoyatda taraqqiy qilgan va uning xizmatlari kun sayin oshayotgan Gʼarb davlatlarida oʼtkazilgan. Bu narsa kitobning oʼrnini hech narsa bosa ololmaganligini, uning moʼʼjizaviy kuch-qudrati oldida internetdek eng qulay va zamonaviy vosita ham ojiz qolishini koʼrsatayapti.