Bayrog‘imiz, g‘urur va faxrimiz timsolidir. Vatanimizning beqiyos ramzidir. Quyosh ko‘kda falakning bayrog‘i bo‘lib porlab turibdi, ko‘ngilda muhabbat bayrog‘i hilpiraydi, ongimizni esa tafakkur bayrog‘i nurlantiradi.«O‘zbekiston Respublikasi davlat bayrog‘i to‘g‘risida»gi qonun 1991 yil 18 noyabrda O‘zbekiston Respublikasi oliy kengashining navbatdan tashqari o‘tkazilgan VII sessiyasida qabul qilingan. Ozod va obod Vatanimiz — O‘zbekistonning bayrog‘i ham bizni ulug‘ maqsadlar tomonboshlovchi buyuk mash'aladir. Davlat ramzlari har bir xalqning mustaqilligi, ozodligi, tinchligi va barqarorligi timsoli hisoblanadi. Davlat bayrog‘i va uning ramzi bugungi O‘zbekiston hududida qadimda mavjud bo‘lgan davlatlar bilan tarixan bog‘liqligini anglatadi hamda respublikaning milliy-madaniy an'analarini o‘zida mujassamlashtiradi. Yer yuzida ikki yuzdan ortiq davlat bor va albatta, har bir davlatning o‘z ramzlari, bayrog‘i bor. Har bir bayroq ayricha rang va timsollarga ega. Ular bilan yonma-yon balqib turgan bayrog‘imiz hech kimdan kam emasligimiz va kam bo‘lmasligimizni ko‘rsatib turadi. Shuni aytishimiz lozimki, bayroq qadim-qadimdan har bir xalq uchun mustaqillik, hurlik, tinchlik va barqarorlik timsoli bo‘lib kelgan. Ajdodlarimiz ham yurt bayrog‘ini muqaddas bilib, uni ko‘z qorachig‘idek asraganlar. Shu yilning 17-noyabr kuni Buxoro shahridagi "Ark" qo'rg'oni oldida O'zbekiston Respublikasi Davlat bayrog'i qabul qilinganligining 28 yilligi munosabati bilan "Davlat bayrog'i - faxrim g'ururim" nomi ostida galakonsert tashkil etildi. Ushbu bayram shodiyonasida respublikamizdan taniqli san'at ustalari ishtirok etishdi. "Ark" qo'rg'oni old qismida 1000 ga yaqin ishtirokchilar hamda tomoshabinlar maxsus sahna dekoratsiyasi oldida galakonsertni tomosha qilishdi. Hamkor tashkilotlar, Viloyat hokimligi, viloyat madaniyat boshqarmasi, Buxoro viloyati Turizmni rivojlantirish departamenti, Buxoro davlat universiteti, Buxoro muhandislik-texnika instituti, Buxoro davlat tibbiyot instituti, Toshkent irrigatsiya va qishloq xo'jaligini mexanizatsiyalash muhandislari institutining Buxoro filiali hamda bir qator tashkilotlar tomonidan tashkil etilgan ushbu bayram yuqori saviyada o'tkazildi. Mazkur konsert dasturidan milliy raqslar, dilkash taronalar, barchaga tabassum ulashuvchi QvZ chiqishlari o'rin oldi. Konsert dasturiga Buxoro davlat universitetining faol talabalari, o'qituvchi va ishchi-xodimlari o'z hissalarini qo'shishdi. O'tkazilgan konsert barchaning qalbiga vatanga muhabbat, sadoqat va g'urur tuyg'ularini jumbushga keltirdi.Buxoro davlat universiteti Matbuot kotibi Otabek Jalolov
