Аvval xabar berganimizdek, “Universiada-2019” sport musobaqalarining hududiy saralash bosqichi doirasida oʼtkazilayotgan futbol oʼyinlari viloyatimizdagi “BuxDU” markaziy o'yingohida boʼlib oʼtdi. Xorazmlik raqiblarini 2:1 hisobida magʼlub qilgan viloyatimiz OTMlari talabalaridan tarkib topgan jamoa Qoraqalpog'iston Respublikasi OTMlari talabalaridan iborat terma jamoaga qarshi maydonga tushdi.Uchrashuv avvalida, Oliy va oʼrta maxsus taʼlim vazirligining masʼul xodimi, BuxDU rektori O.X. Xamidov, Buxoro muhandislik- texnika instituti rektori N.R. Barakayev, viloyat Jismoniy tarbiya va sport boshqarmasi boshligʼi soʼzga chiqib, yurtimizda yoshlarga yaratilayotgan sharoitlar, shu jumladan, sport sohasini rivojlantirish borasida qilinayotgan ishlar, sportchilarimizning jahon arenalarida qoʼlga kiritayotgan gʼalabalari haqida gapirib oʼtishdi. “Universiada-2019” sport musobaqalarining qatnashchilariga omad tiladilar.Shundan soʼng, jamoalar maydonga tushdi. Tan olish kerakki, oldingi gʼalaba viloyatimiz OTMlari sharafini himoya qilayotgan sportchilarimizni ancha ruhlantirgan. Buni ularning oʼyin davomidagi harakatlaridan bilib olish mumkin. Hayajonli daqiqalarga boy boʼlgan uchrashuv Buxoroliklar foydasiga hal boʼldi: hisob – 2:1.Ikkala raqib jamoalarni ham magʼlub etgan mezbonlar “Universiada-2019”ning final bosqichida ishtirok etish uchun yoʼllanmani qoʼlga kiritishdi.Navoiy hamda Xorazm OTMlari talabalari oʼrtasida oʼtgan uchrashuvda 6:1 hisobi bilan Navoiyliklarning gʼalabasi qayd qilindi.Buxoro davlat universiteti Matbuot kotibi Otabek Jalolov
