28-oktabr kuni universitetimizga "Yaponiya-O‘zbekiston Ipak Yo‘li" fondi vakillaridan iborat delegatsiya vakillari tashrif buyurishdi. Mazkur fond Yaponiyaning turli ishbilarmon doiralari vakillaridan iborat bo‘lib, universitetimizga tashrif ularning O‘zbekistonga 1 haftalik safarlari doirasida amalga oshirildi.Delegatsiya a'zolarini universitet xalqaro hamkorlik bo‘yicha prorektori A. Jo‘rayev kutib oldi. Tashrif Iqtisodiyot va turizm fakulteti huzuridagi "BuxDU-Vakayama turizm tadqiqotlari va ta'lim markazi" faoliyati bilan tanishishdan boshlandi. Prorektor A. Jo‘rayev mazkur markazni tashkil qilish tarixi hamda BuxDU bilan Yaponiya OTMlari o‘rtasidagi hamkorlik aloqalari haqida muxtasar ma'lumot berib o‘tdi.Mehmonlarda universitetimizda olib borilayotgan ta'lim-tarbiya jarayonlari, o‘rnatilgan hamkorlik munosabatlari qiziqish uyg'otdi. Prorektor A. Jo‘rayev tomonidan Fond va BuxDU aloqalarini kuchaytirish bo‘yicha takliflar berildi. Mehmonlar ushbu takliflarni kelasi oyda Tokioda bo‘lib o‘tadigan Fond kengashi yig‘ilishi kun tartibiga kiritishlarini ma'lum qildilar.Delegatsiya a'zolari O‘zbekiston-Yaponiya markazi Buxoro filialida ham bo‘lib, u yerda yapon tili va madaniyati kurslarining tashkil qilinishi bo'rasida ma'lumotga ega bo‘ldilar. Fond vakillari BuxDUda yapon tiliga bo'lgan qiziqish hamda yaratib berilgan sharoitlardan mamnun ekanliklarini alohida e'tirof etib o‘tishdi.Buxoro davlat universiteti Matbuot kotibi Otabek Jalolov
