Momolarim alla aytgan sen bilan,Navoiy ham ijod etgan sen bilan.Istiqlol ham birga qaytgan sen bilan,O'zbek tilim singib ketgan qonimga,Ko'rk berasan she'rlarim-u borimga.21-oktabr kuni BuxDU talabalar turar joyida 4-1MEH-18 va 4-2MEH-18(rus) guruh talabalari tomonidan "Til - millat xazinasi" nomli bayram tadbiri uyushtirildi. Tadbirni ochib berishda Universitetimiz xotin-qizlar raisi Adizova Obodon Istamovna so'zga chiqib, o'zbek tiliga davlat tili maqomi berilganligining 30 yilligi bilan barchani tabrikladi. Bayram milliy raqslar, ona tilini madh etguvchi she'rlarga to'la bo'ldi.Ona tilimizning qay mashaqqat evaziga erishilganligi to'g'risidagi videorolik qo'yib eshitildi. Til haqidagi sahna ko'rinishi namoyish etildi. Tadbirga Pedagogika fakulteti, Psixologiya yo'nalishi "Oskar" jamoasi tomoshabinlarga ko'tarinki kayfiyat ulashdi. 4-4MUZ-18(rus) guruh talabasi Suxrobbek Izbullayev jonli ravishda aziz va muhtaram ustozlarga atab "Ustozlar" qo'shig'ini kuyladi. Tadbir yakunida Pedagogika fakulteti yoshlar bilan ishlash bo'yicha fakultet dekan muovini Jumayeva Feruza Saidovnaga so'z berildi va barchani tilimiz shodiyonasi bilan muborakbod etdilar. Tadbir davomida pedagogika fakulteti yoshlar yetakchisi Rahmatulla Temirov tomonidan o'z ijodiga mansub ajoyib she'rlar barchaga manzur bo'ldi.ng
