Hozirda jamiyat hayotida tub o`zgarishlar, islohotlar va yangicha rivojlanish davri kuzatilmoqda. Prezidentimiz Shavkat Mirziyoyev tashabbuslari bilan amalga oshirilayotgan yangilanishlar xalqimizning farovon turmush kechirishiga xizmat qilishi shubhasiz.Bunda “Islohot, islohot uchun emas, xalq uchun, uning manfaatlari uchun” degan tamoyil olg`a surilayotganligini ko`rishimiz mumkin bo`ladi. Lekin shunga qaramasdan jamiyatda “boqimandalik” kayfiyatida yashayotgan, korrupsiya atalmish mudhish illatni yuzaga keltirayotgan va bu illatning qurboni bo`layotgan insonlar ham oramizda uchramoqda. Ayniqsa bu illatni ta`lim tizimida uchrashi ta`lim sifatining hamda mamlakatdagi odillik prinsipining buzulishiga olib kelyapti.Sharq faylasuflari bu illat haqida so`z yuritganda, - “Korrupsiya – bu hokimiyatning fuqаrolarga emas, o`ziga xizmat qilishi” degan hikmatli gaplarni aytib o`tishadi. Qu’roni Karimda “Boshqalarning mulkini nohaq yoʼl bilan olmangiz va boshqalarga tegishli boʼlgan narsalarni olish uchun oʼz mulkingizdan hokimlaringizga pora qilib uzatmangizlar” deyilgan. Bundan ko`rinib turadiki, bu illatning ildizi uzoq o`tmishga borib taqaladi. Bizdan talab etilayotgan vazifa ham bu kabi jinoyatlarni oldini olish va qo`lni qo`lga berib, mamlakat ravnaqi, kelajak avlod uchun haqqoniy ta`lim muhitini yaratish, hamda xalqimizning davlat organlariga bo`lgan ishonchini ta`minlashdan iboratdir. Bu yo`lda esa bizni hech kim va hech qachon to`xtata olmasligi darkor. Zotan, ta`limdagi korrupsiya bu eng oliy jinoyat demakdir.Muxtasar qilib aytganda, ta’lim sohasidagi korrupsiya, sud tizimi, ijroiya organlari tizimidagi korrupsiya muammolari bilan bir qatorda turishi lozimdir.Buxoro davlat universiteti rektori O.X. Xamidov
