O'zbekiston Respublikasi Vazirlar Mahkamasi 2018-yil 25-oktabrdagi "O'quvchi va talaba yoshlar o'rtasida o'tkaziladigan respublika sport musobaqalarini tizimini yanada takomillashtirish" to'g'risidagi 864-son qaroriga asosan "Umid nihollari", "Barkamol avlod", "Universiada" sport musobaqalarini o'tkazish yo'lga qo'yildi.Universiada sport musobaqalari talaba-yoshlar o'rtasida sportning olimpiada va milliy turlarini rivojlantirish orqali yoshlarning sport bilan shug'ullanishlari uchun zamon talablariga mos shart-sharoitlar yaratish, ularning irodasi, o'z kuchi va imkoniyatiga bo'lgan ishonch, mardlik, vatanparvarlik, Ona yurtga sadoqat tuyg'ularini kamol toptirish kabi olijanob maqsadlarga qaratilgan."Universiada-2019" musobaqasining sport (jamoaviy) turlari bo'yicha hududiy saralash bosqichiga tayyorgarlik ko'rish uni o'tkazish bilan bog'liq tadbirlar O'zbekiston Respublikasi Bosh Vaziri tomonidan 2019 yil 5-fevralda tasdiqlangan "Oliy ta'lim muassasalari talabalari o'rtasida "Universiada-2019" sport musobaqalarini o'tkazish tartibi to'g'risidagi Nizom" asosida amalga oshirilmoqda. Sport musobaqasida ishtirok etadigan jami 76 nafar sportchilarga barcha sharoitlar yaratilgan boʼlib, universitet talabalar turar joyidan joylar ajratildi hamda ovqatlanish joylari belgilandi. Bugungi holatiga Navoiy, Xorazm va Qoraqalpoq viloyatlari OTMlaridan sportning Futbol turi boʼyicha ishtirok etadigan jamoalar kutib olindi va universitet talabalar turar joyida ajratilgan xonalarga joylashtirildi. Joriy yilning 26-oktabr kuni sportning «Futbol» turi boʼyicha musobaqa oʼtkazishga qurʼa (jerebyovka) tashlandi. Qurʼaga koʼra Buxoro va Xorazm jamoalari erkaklar oʼrtasida, Qoraqalpog'iston Respublikasi hamda Navoiy viloyati jamoalari erkaklar oʼrtasida bellashdilar.Yoshlarning boʼsh vaqtini mazmunli oʼtkazishlarini tashkil etish maqsadida prezidentimiz tomonidan ilgari surilgan 5 ta muhim tashabbusning ijrosini taʼminlash, talaba-yoshlarning sportga boʼlgan qiziqishlarini oshirishni maqsad qilgan musobaqada Buxorolik toʼpurarlarning qoʼli baland keldi. Buxoro va Xorazm jamoalari o'rtasida kechgan o'yinni Buxoro davlat universiteti rektori O.X. Xamidov talabalarni ushbu musobaqa ishtirok etish imkonini qo'lga kiritganliklari bilan tabrikladilar va o'yinni kirish so'zi bilan boshladilar. Buxoro hamda Xorazm viloyati jamoalari o'rtasida kechgan o'yin juda shiddatli o'tdi. Ikki jamoa darvozasi tomon aniq zarbalar yo'llandi. Natijalarga ko'ra Buxoro viloyati jamoasi 2:0 hisobda Xorazm viloyati jamoasi ustidan g'alaba qozondi. Musobaqa reglamentiga ko'ra 2-chi o'yin jamoalari stadionga taklif etildi. Qoraqalpog'iston Respublikasi hamda Navoiy viloyati jamoalari o'zaro kuch sinashishdi. Ushbu o'yin ham juda shiddatli o'tdi. O'yin natijalariga ko'ra 2-2 hisobi aniqlandi.Shuni ta'kidlab o'tishimiz kerakki, ushbu erkaklar o'rtasida o'tayotgan sport musobaqasi ertaga ham davom etadi. Universitet markaziy stadioniga jamoalarni qo'llab quvvatlash maqsadida faol iqtidorli sportga chanqoq yoshlarni kutib qolamiz.Buxoro davlat universiteti Matbuot kotibi Otabek Jalolov
