Yurtimizda savob ishni har kim, har qachon qilishi kerak degan naql bor. Bir-biriga mehr-muruvvat koʼrsatish ham bizlarga xos odatlardan biri sanaladi. Turli nuqsoni bor, ijtimoiy yordamga muhtoj bolalarga hukumatimiz tomonidan alohida eʼtibor koʼrsatib kelinayotgani hech kimga sir emas.Taʼkidlash joizki, viloyatimizda ham bu borada keng koʼlamdagi ishlar amalga oshirilmoqda. Mehrga muhtoj bolalar holidan xabar olish esa har birimiz uchun ham qarz, ham farz.Soʼnggi paytlarda nogironlar uchun ixtisoslashtirilgan muassasalar va mehribonlik uyi tarbiyalanuvchilariga bag'ishlangan turli xayriya aksiyalar oʼtkazish odat tusiga aylangan. Bu bejiz emas albatta. Zero jannatmakon diyorimizda mehr-oqibati, muxtojlarga beminnat yordam berib kelayotgan insonlar soni juda koʼp. Xuddi shunday xayriya ishlaridan biri Tarix va madaniy meros fakulteti Milliy goya, ma'naviyat asoslari va xuquq ta'limi kafedrasi o'qituvchilari X.X. Qalandarov, N. Xayotova hamda Maktabgacha va boshlang'ich ta'lim fakulteti Maktabgacha ta'lim o'qituvchilari S.S. Xodjaeva, M.M. Negmatovalar hamkorligi va boshchiligida Maktabgacha ta'lim yo'nalishi 14-1MT-16 guruh talabalari tomonidan Buxoro shahar 18-I.M.T.M da "Mehr-dunyo ustuni" nomli xayriya tadbiri tashkil etildi. M.T.M tarbiyalanuvchilari e'tiboriga talabalar tomonidan tayyorlangan bayram dasturi havola etildi hamda sovg'alar tarqatildi. Oʼz navbatida muassasa ma'muriyati va bolajonlar bunday eʼtibor hamda ajoyib xayriya aksiyasi uchun tashkilotchilarga samimiy minnatdorchilik bildirdilar.
