Pedagogika fakulteti “Texnologik taʼlim” yoʼnalishida tahsil olayotgan 4-2TEX-19 guruhi talabalari “Mehnat taʼlimi” kafedrasi oʼqituvchisi Muxidova O.N. rahbarligida “Materialshunoslik va konstruktsion materiallar” fanidan “Gazlamalarning oʼrilish turlarini oʼrganish” mavzusida amaliy mashgʼulotni Buxoro shahridagi “Buxoro brilliant silk” Oʼzbekiston-Xitoy qoʼshma korxonasida sayyor darsi tarzida oʼtkazdilar.2010 yilda tashkil etilgan, korxonada pillani qayta ishlash, xomashyoni yigirish, ipak momigʼi ishlab chiqarish uchun zamonaviy texnologiyalar keltirilgan boʼlib, sifat nazoratini olib borib, ipakdan jahon andazasiga mos turli oʼlcham, koʼrinish va rangdagi matolar tayyorlanmoqda. Bunda buyurtmachi taklifi va bozor talabi asosida ish tutilmoqda. Hozir bu yerda “Bahor”, “Yomgʼir”, “Yulduzlar” kabi oʼnlab koʼrinishdagi matolar ishlab chiqarilmoqda. Matolar oddiy, murakkab, mayda gulli va yirik gulli urilishlarda toʼqilmoqda. Matoga bosilgan gullarning oʼziga xosligi shundaki , ularning rangi oʼchmaydi, suv va quyosh nuriga chidamli. Ipak mahsulotlar Osiyo va Yevropa davlatlariga yetkazib berilmoqda. Talabalar sayor darsi davomida korxonani yaqindan tanishdilar va koʼplab tassavurga ega boʼldilar.
