Oʼzbekiston Respublikasi Prezidentining “Moddiy madaniy meros obyektlarini muhofaza qilish sohasini tubdan takomillashtirish chora-tadbirlari toʼgʼrisida” 2018 yil 19 dekabrdagi PQ-4068-sonli qaroriga muvofiq Oʼzbekiston Respublikasi Vazirlar Mahkamasining 2019 yil 4 oktabrdagi №846 sonli qarori qabul qilindi. Hukumat qarori bilan Moddiy madaniy merosning koʼchmas mulk obyektlari milliy roʼyxati tasdiqlandi.Qarorga muvofiq, respublika boʼyicha jami 8208 ta moddiy madaniy merosning koʼchmas mulk obyektlari mavjud boʼlib, shundan 4748 tasi arxeologiya yodgorliklari 2250 tasi arxitektura yodgorliklari, 678 tasi monumental sanʼat yodgorliklari, 532 tasi diqqatga sazovor joylardir. Ushbu qarorning 2-ilovasiga koʼra Vazirlar Mahkamasining 2014 5 dekabrlagi 335-son qaroriga oʼzgartirishlar kiritildi. Jumladan, 846 –son qarorning 2-ilovasi 1-bandi quyidagi tahrirda bayon etildi: “Milliy roʼyxatga kiritilgan obyektlarga tarixiy, badiiy yoki oʼzga madaniy qimmatliligi tufayli garov va ipoteka qoʼllanilishi mumkin emas, xususiy mulk hisoblangan moddiy madaniy merosning koʼchmas mulk obyektlari bundan mustasno”. 846 –son qarorning 1-ilovasida Buxoro viloyatida ham jami 829 ta moddiy madaniy meros obʼektlarining toʼliq roʼyxati keltib oʼtilgan.Jumladan: Viloyatda arxeologiya yodgorliklari 228 ta, arxitektura yodgorliklari 507 tani tashkil etadi. Buxoro shahrida esa, 321 arxitektura yodgorliklari, 7ta diqqatga sazovor joylar, 78 ta monumental sanʼat yodgorliklari,bundan tashqari shahar atrofida 40 arxitektura yodgorliklari mavjud. 846 –son qarorning 1-ilovasi 2-bandida Oʼzbekiston Respublikasi Madaniyat vazirligi Moddiy madaniy merosning koʼchmas mulk obʼektlari milliy roʼyxatiga oʼzgartirish va qoʼshimchalar kiritish uchun asosli zarurat paydo boʼlgan taqdirda Vazirlar Mahkamasiga belgilangan tartibda taklif kiritib borsin, deyilgan.Shundan kelib chiqib, Buxoro viloyatida topilayotgan yangi obyektlarni roʼyxatga kiritish va roʼyxatga kiritilgan arxitektura yodgorliklarining tarixiga aniqlik kiritish, xronologiyasi aniqlanmagan arxeologik topilmalar haqidagi yangiliklarni oʼz vaqtida roʼyxatga kiritishga barcha tarixchi va arxeologlar birdek masʼulmiz.Hamroev Аzalshoh HazratovichOʼzbekiston Tarixchilar jamiyati Buxoro viloyati boʼlimi raisi
