Buxoro davlat universiteti Filologiya fakulьteti o‘zbek tilshunosligi kafedrasi o‘qituvchisi filologiya fanlari bo‘yicha falsafa doktori (PhD) Hamroyeva Shahlo Mirdjonovna Qrim poytaxti Simferopolda bo‘lib o‘tgan “VII Международная конференция по компьютерной обработки тюркских языков: Turklang-2019” konferensiyada ishtirok etib, “Принципы создания интерфейса авторских корпусов узбекского языка (На примере авторского корпуса Абдуллы Каххара)” mavzusida ma’ruzasi qildi.Tashrif davomida Qrimning 3 ta universiteti (Крымский Федеральный университет, Крымский инженерно-педагогический университет, Евразийский институт развития имени Исмаила Гаспринского) bilan Buxoro davlat universiteti orasida hamkorlik shartnomasi imzolandi. Ikki tomon manfaatlariga birdek xizmat qiluvchi shartnomaga asosan yuqorida ko‘rsatilgan universitetlar bilan ilmiy, pedagogik, madaniy-ma’rifiy aloqalar yo‘lga qo‘yiladi. Professor-o‘qituvchilar, talaba va doktorantlar akadem almashinuvi, hamkorlikda ilmiy konferensiyalar o‘tkazish, universitetlarning ilmiy nashrlarida professor-o‘qituvchilar, doktorant, magistr va talabalar ilmiy maqolalarining e’lon qilinishi shular jumlasidandir. Shuningdek, mazkur universitet ilmiy jurnallari tahririyatiga BuxDU professor-o‘qituvchilarining a’zo bo‘lishi ham kutilmoqda. Konferensiya davomida korpus texnologiyalari, turkiy tillarni kompyuterda qayta ishlash, til ontologiyalarini tuzish bo‘yicha ma’ruzalar tinglandi, yaratilgan IT mahsulotlar prezentatsiyasi bo‘lib o‘tdi. SH.Hamroyeva IT mahsulotlar prezentatsiyasida “Abdulla Qahhorning “Bemor” hikoyasi korpusi” bilan ishtirok etdi. Shahlo Hamroyeva KIPU Qrim tilshunosligi kafedrasi dotsenti, f.f.n. Sattarova Zera Mambetovna tomonidan tashkil etilgan mahorat darslarida ham ishtirok etib, tilshunoslik fanlarini o‘qitishning zamonaviy pedagogik texnologiyalari bo‘yicha kompetensiyalarni egalladi.
